COMMUNIST PARTY OF INDIA (MARXIST - LENINIST) - LIBERATION

COMMUNIST PARTY OF INDIA (MARXIST - LENINIST) - LIBERATION, TAMILNADU

Friday, December 10, 2010

வாருங்கள்!


நாட்டை புதிய பாதையில் அழைத்துச் செல்வோம்!
 
- வினோத் மிஸ்ரா
 
தோழர் வினோத் மிஸ்ரா நினைவாக


மார்ச் 8, 1996 அன்று டில்லியில் நடந்த உரிமைப் பேரணியில் தோழர் வினோத் மிஸ்ரா ஆற்றிய உரையில் இருந்து.
 
இன்று நமது நாடு ஒரு குறிப்பிட்ட கட்டத்தில், ஒரு குறிப்பிட்ட குறுக்குவெட்டு பாதையில் நின்று கொண்டிருக்கிறது; அங்கிருந்து ஒரு புதிய பாதையை தேடுகிறது. ஒரு வேளை, இதுவே இந்த நாடாளுமன்றத்தின் இறுதி நாளாக இருக்கலாம். இந்த நாளில் நாடு முழுதும் இருந்து தொழிலாளர்களும் விவசாய பெருமக்களும் டில்லி வீதிகளில் அணிவகுத்துள்ளார்கள்.


அவர்கள் இந்த நாடாளுமன்றத்தின் முன் ஒரு பெரிய கேள்வியை எழுப்பியிருக்கிறார்கள்: கடந்த அய்ந்து ஆண்டுகளாக இந்த நாடாளுமன்றம் என்னதான் செய்தது? தேர்ந்தெடுக்கப்பட்ட பிரதிநிதிகள் என்று அழைக்கப்படுபவர்கள் நாடாளுமன்றத்தில் என்னதான் செய்தார்கள்? இந்த கேள்விக்கு இந்த நாடாளுமன்றத்திடம் பதில் இல்லை.

கடந்த அய்ந்து ஆண்டுகளாக, பிற கட்சிகளிடம் இருந்து நாடாளுமன்ற உறுப்பினர்களை விலை கொடுத்து வாங்கி, ஒரு சிறுபான்மை அரசாங்கம், பெரும்பான்மை அரசாங்கமாக மாறியுள்ளதை நாம் பார்க்கிறோம். இந்த அரசாங்கத்தின் பல அமைச்சர்கள் ஹவாலா வழக்கில் சிக்கியுள்ளனர்; அவர்கள் மீது குற்றப்பத்திரிகை தாக்கல் செய்யப்பட்டுள்ளது; அவர்களில் சிலர் இப்போது சிறை கம்பிகளுக்குப் பின்னால் இருக்கிறார்கள்.

நண்பர்களே, ஒரு கேள்வி இயல்பாக எழுகிறது: மொத்த அமைச்சரவையும் ஊழலில் ஈடுபட்டிருக்கும்போது, அதன் பிரதமர் மட்டும் எப்படி நேர்மையானவராக இருக்க முடியும்?

விசாரணைகள் நடக்கின்றன; மத்திய புலனாய்வு துறையின் விசாரணைகள் ஊழல்களின் உண்மையான தலைவனுக்கு எதிராக திருப்பப்பட வேண்டும். மற்றவர்கள் மீதெல்லாம் விசாரணை நடக்கும்போது, இந்த மொத்த ஊழல் அமைச்சரவையின் தலைவனை மட்டும் ஏன் விட்டுவிட்டார்கள்? இந்தக் கோரிக்கை இந்தப் பேரணியிலும் இப்போது எழுப்பப்பட்டுள்ளது.

ராவ் அவர்களை ஒரு விசயத்துக்காக நான் பாராட்டுகிறேன்: அவருடைய நட்சத்திரம் மேகங்களில் மறைவதைக் கண்ட அவர், ‘நான் மூழ்கி விடலாம்; ஆனால் உங்கள் அனைவரையும் என்னுடனே இழுத்துச் செல்வேன்’ என்றார்.

ஆக, மிகப் பெரிய அரசியல் கட்சிகள் - ஆளும் வர்க்கக் கட்சிகள் - இதில் சிக்கிக் கொண்டுள்ளன; அவர்கள் அனைவரும் குளியலறையில் ஆடையின்றி இருக்கிறார்கள் என்று சொல்லப்படுகிறது.

எனவே, நமது நாட்டின் முன் ஒரு புதிய சவால் எழுந்துள்ளது: இந்தச் சூழலில் நமது நாடு எந்தப் பாதையில் செல்லும்?

இன்று நமது நாட்டுக்கு ஒரு புதிய பாதையும் புதிய சக்திகளும் தேவை என்று நான் கருதுகிறேன். நமது தலை மீது இருக்கும் இந்த எல்லா பழைய சக்திகளின் சுமையை நாம் இறக்க வேண்டும்; அதைக் குப்பைத் தொட்டியில் தூக்கியெறிய வேண்டும். இந்தியாவில் உள்ள புதிய சக்திகள், நாட்டின் ஆட்சிக் கடிவாளத்தை தங்கள் கைகளில் எடுத்துக் கொள்ள தங்கள் முன்முயற்சிகளை இரட்டிப்பாக்க வேண்டும். இதற்காகத்தான் நமது கட்சி இந்தப் பேரணியை நடத்துகிறது.

இந்தப் பேரணிக்குக் கிடைத்த மிகப்பெரிய ஆதரவு, நமது நாடு புதிய பாதையில் செல்ல விரும்புகிறது என்பதை மெய்ப்பிக்கிறது என்று நான் சொல்ல வேண்டும். இப்போது, நாட்டு மக்களுக்கு தலைமை தாங்குவது, நமது பொறுப்பு; இடதுசாரிகளின் பொறுப்பு.
ÀLôo 2010

பீகார் ஸ்தம்பிக்க வைக்கும் தீர்ப்பொன்றை வழங்கியுள்ளது. அதிகாரத்தில் இருந்த ஓர் ஆட்சி 85% பெரும்பான்மையுடன் மீண்டும் அதிகாரத்திற்கு வருவது உலகெங்கும் நாடாளுமன்ற ஜனநாயக வரலாற்றில் அரிதான ஒன்றே. இப்போது சட்டமன்ற அரங்கில் பல்வேறு அரசியல் கட்சிகள் செயல்படும் பீகாரில் அதுபோன்ற ஒன்று நடந்துள்ளது உண்மையில் குறிப்பிடத்தக்கது.


243 இடங்கள் கொண்ட அவையில், தேஜமு 143ல் இருந்து 206 என தனது எண்ணிக்கையை உயர்த்திக் கொண்டுள்ளது. பாஜக பெற்றுள்ள இடங்களின் எண்ணிக்கை 60% உயர்ந்துள்ளது. விளைவாக மொத்த எதிர்க்கட்சிகளும் சட்டமன்றத்தில் இருந்து வெளியேற்றப்பட்டுள்ளன. ராஷ்ட்ரிய ஜனதா தளம் பெற்றுள்ள இடங்கள் 54ல் இருந்து 22ஆகக் குறைந்துள்ளன. அதன் புதிய கூட்டாளியான லோக் ஜன சக்தி கட்சி, சென்ற முறை தனியாக போட்டியிட்டு 9 இடங்களை வென்றது; இந்த முறை ராஷ்ட்ரிய ஜனதா தளத்தின் ஆதரவு இருந்தும் 3 இடங்களை மட்டுமே பெற்றுள்ளது. காங்கிரஸ் தலைமை யிலான ஆட்சி அமைப்பது என்ற அறைகூவலு டன் தேர்தலில் போட்டியிட்ட காங்கிரஸ் வெறும் 4 இடங்களை மட்டுமே பெற்றுள்ளது. பீகார் சட்டமன்றத்தில் உறுதியான இடதுசாரி எதிர்க்கட்சியான இகக மாலெவுக்கு, 1990ல் இருந்து முதல்முறையாக சட்டமன்றத்தில் எந்த பிரதிநிதித்துவமும் இல்லாமல் போகும்.

வளர்ச்சி பற்றிய நிதிஷ்குமாரின் வாக்குறு திக்கு ஆதரவாக ஒரு மேலோங்கிய, அனைத்தும்தழுவிய சமூக நகர்வு இருப்பதை தேர்தல் முடிவு காட்டுகிறது. பீகார் லாலு விடமோ, காங்கிரசிடமோ நிச்சயம் பின்னோக்கிச் செல்ல விரும்பவில்லை. கிட்டத் தட்ட ஒரு முழுமையான தேக்க நிலைக்கு வந்துவிட்டது போன்ற ஒரு மாநிலத்தில், ‘சட்டம், ஒழுங்கு’ பாதுகாக்கப்பட்டதன் அறிகுறிகள், மற்றும் மாற்றமும் வளர்ச்சியும் ஓரளவு ஏற்படும் என்ற நம்பிக்கை ஆகியவையே இந்த மிகப் பெரிய சமூக நகர்வை ஏற்படுத்தியுள்ளன. ஒரு காலத்தில் மேலோங்கியதாக, நீடித்ததாக இருந்த லாலுவின் ‘சமூக நீதி’ ஆட்சியில் புறக்க ணிக்கப்பட்டதாக அல்லது ஒடுக்கப்பட்டதாக உணர்ந்த சமூக அடையாளங்களை எல்லாம் தூண்டிய, சக்தியூட்டிய அதே பழைய சாதிய வடிவமைப்புதான், இந்த நகர்வை முன்தள்ளி யுள்ளது.

நிதிஷ்குமாரின் வளர்ச்சி மாதிரிக்குள் ளேயே இருக்கிற முரண்பாடுகள், முரட்டுத் தனமான யதார்த்தம் மற்றும் முனைப்பான வாய்வீச்சு ஆகியவற்றுக்கு இடையிலான வேறுபாடுகள் உண்மையில் விசையுடன் மேலெழுந்து வரவேண்டியுள்ளது. வளர்ச்சி என்ற பிரச்சனையிலேயே நிதிஷ்குமாருக்கு சவால் விடுத்த ஒரே கட்சி இகக மாலெதான். அரை - நிலப்பிரபுத்துவ ஒழுங்கை மறுஉறுதி செய்கிற, மலிவான உழைப்பு பீகாரிலும் பீகாரில் இருந்து வெளியேற்றப்பட்டும் விடாமல் சுரண்டப்படுவதை துரிதப்படுத்த, மூடி மறைக்க மட்டுமே ‘வளர்ச்சியை’ பயன்படுத்துகிற மேலோங்கிய நவதாராளவாத மாதிரிக்கு எதிரான, உழைக்கும் மக்களின் அடிப்படை உரிமைகள், பீகாருக்குள்ளேயே உற்பத்தி சக்திகளின் அனைத்தும் தழுவிய வளர்ச்சி என்ற நிகழ்ச்சிநிரல் ஆகியவற்றுக்கு முக்கியத்துவம் தரும் மாற்று ஜனநாயக மாதிரி என்ற வளர்ச்சியின் இரண்டு எதிரெதிர் கருத்தாக்கங்கள் மற்றும் மாதிரிகளுக்கு இடையிலான போராட்டத்தின் மீதுதான் மாலெ கட்சியின் தேர்தல் பிரச்சாரம் துணிச்சலுடன் கவனம் குவித்தது. இதுதான் நிச்சயமாக எழுந்து முன்வருகிற போராட்டம்; இந்த மிக முக்கியமான போராட்டத்தின் போக்கில் புரட்சிகர இடதுசாரி தன்னை மீண்டும் கட்டியெழுப்ப வேண்டும்.

ஊடக ஆய்வாளர்கள் நிதிஷ் குமார் நிகழ்வுப்போக்கின் அளவு மற்றும் அலையில் மயங்கிக் கட்டுண்டு கிடக்கின்றனர். ஒடுக்கப் பட்டோர் அரசியலின் இறுதிக் காட்சி என்று சமீப காலம் வரை லாலு விந்தையை கொண்டாடியவர்கள், ‘சாதி’யின் யதார்த் தத்தை கணக்கில் கொள்வதில்லை என்று கம்யூனிஸ்டுகளை சாடியவர்கள், இன்று அரசியலின் புதிய மந்திரம் ‘வளர்ச்சி’ என்று மும்முரமாக போதனை செய்து கொண்டிருக் கிறார்கள். ‘சமூக நீதி மந்திரத்தை’, வர்க்கப் போராட்டத்தின் தர்க்கத்துடனும், சமூக மாற்றம் என்ற பதாகையுடனும் புரட்சிகர கம்யூனிஸ்டுகள் எதிர்கொண்டார்கள். வர்க்கப் போராட்டத்தின் கடுமையான பாதையில் முன்செல்வதன் மூலம், மக்கள் உரிமைகள் மற்றும் ஜனநாயகத்தின் பதாகையை துணிச்சலுடன் உயர்த்திப் பிடிப்பதன் மூலம், வளர்ச்சியின் அரசியல் என்ற நிதிஷ் குமாரின் பெருங்கூச்சலையும் அவர்கள் எதிர்கொள்வார் கள். வளர்ச்சி பற்றிய பீகாரின் உழைக்கும் மக் களின் விரு ப்பங்களின் எழுச்சி உண்மை யானது; அது இப்போது நிதிஷை பரி சோதனைக்கு உட்படுத்தி யுள்ளது.

இகக மாலெயின் தேர்தல் செயல் பாடுகள் பொறுத்த வரை, பிப்ரவரி 2005ல் 6 லட்சத்துக்கும் கூடுதலான வாக்குகள் பெற்று 7 இடங்களில் வெற்றி பெற்றது; இதுவரையிலும் பெற்ற தேர்தல் வெற்றிகளில் இது மிக கூடுதலானது. நவம்பர் 2005ல், கட்சி 2 இடங்களையும் கிட்டத்தட்ட 50,000 வாக்குகளையும் இழந்தது; 5 இடங்களில் வெற்றி பெற்றது; 5,60,000 வாக்குகள் பெற்றது. 2010 தேர்தல்களில், 5 லட்சத்துக்கும் கூடுதலான வாக்குகளை பெற்றிருந்தாலும் அனைத்து இடங்களையும் இழந்தது. நிதிஷ் நிகழ்வுப் போக்கின் எழுச்சியும் வளர்ச்சியும் அவற்றின் விளைவை ஏற்படுத்தியுள்ளன; கட்சியின் வலுவான பகுதிகளில் கூட வெற்றிபெறும் வாய்ப்பை மழுங்கச் செய்துள்ளன. வளர்ச்சி என்ற பிரச்சனையிலும் எங்கும் மலிந்துள்ள கொள்ளை, எழுந்து வருகிற எதேச்சதிகார ஆட்சி, வெகுமக்கள் முழுமையாக ஏதிலிகளாக்கப்படுவது உட்பட, பீகாரில் எழுந்து வருகிற அதன் அனைத்து சிக்கல் களிலும், கட்சி புதிய ஆட்சியை அம்பலப் படுத்த, எதிர்கொள்ள துவங்கியுள்ளது. கட்சி இப்போது தன் மொத்த துணிச்சலுடனும் உறுதியுடனும் இந்தப் போராட்டத்தை ஆழமாகவும் பரந்து விரிந்ததாகவும் எடுத்துச் செல்ல வேண்டும்.

இந்தியாவின் நாடாளுமன்ற வரலாற்றில் ஸ்தம்பிக்க வைக்கும் தேர்தல் முடிவுகளும் ஆரவார பெரும்பான்மைகளும் வெகுமக்கள் போராட் டங்களின் மிகப்பெரிய எழுச்சிகளுக்கு கட்டியம் கூறுபவையாக அமைந்துள்ளன. 1971ல் இந்திரா காந்தியின் கண்கவர் எழுச்சி, 1984ல் ராஜீவ் காந்தியின் அசாதாரண பெரும் பான்மை, 1991ல் தமிழ்நாட்டில் ஜெய லலிதாவின் மிகப்பெரிய வெற்றி, 2006ல் மேற்கு வங்கத்தில் இககமாவின் பெருவெற்றி ஆகியவற்றை நினைவு கூர்ந்தால், வெகுமக்கள் போராட் டங்களின் வெப்பத்தில் பெரும் பான்மைகள் எவ்வளவு துரிதமாக வெறும் காற்றாக மறைந்து போகும் என்று நமக்கு தெரியும். எனவே, 2010 தேர்தல்கள் புரட்சிகர இடதுசாரிகளுக்கு சொல்லும் செய்தி உரத்ததாகவும் தெளிவான தாகவும் உள்ளது:
ஊழலோ ஊழல்

ராஜராஜனின் ராஜா


ராடியா (ஆல் இந்தியா ராடியா) ஒலிநாடாக்களுக்கு சம்பந்தப்பட்டவர்களிடம் இருந்து எந்த நேரடி பதிலும் இல்லை. கருணாநிதி குடும்பம் தேசத்தின் சொத்துக்களை சூறையாட துடியாய் துடித்ததாக அந்த ஒலிநாடாக்கள் சொல்கின்றன.

பெருந்தொழில் குழுமங்கள் - பெருந் தொழில் குழும ஊடகங்கள் - முதலாளித்துவ அரசியல்வாதிகள் கூட்டணி, அய்முகூ அரசாங் கத்தின் இரண்டாவது அவதார துவக்கத்தில் விசுவரூபம் எடுத்தது நாடறிந்த செய்தியாகி விட்டது. ஊழலில் ஊறித் திளைத்து, ஊதிப்பெருத்து, உடைந்து சிதறும் நிலையில் உள்ள திமுக தலைமை, ஆரிய - திராவிடப் போர், உழைக்கும் மக்களின் தோழன், உட்கட்சி ஒற்றுமையின் அவசியம் என்றெல்லாம் பேசுகிறது. ஆவேசப் போர்க்குரலுக்கு பதிலாக புலம்பல் சத்தமே கேட்கிறது.

ராசாவே ரூ.1,76,379 கோடி ஊழல் செய்த தாகப் புகாரா? அவர் யாரும் செய்யாததை செய்துவிட்டாரா? அவர் செய்யப் போவது பற்றி பிரதமரிடம் தெரிவித்துவிட்ட பின் அவரை எப்படி குறை சொல்வது? இப்படி யெல்லாம் சிலர் குதர்க்கமாகக் கேட்கிறார்கள்.

ராசாவுக்கு, ராசாவை இயக்குபவர்களுக்கு, கூட்டணி தர்மப்படி கூட்டணி கட்சிப் பிரமுகர்களுக்கு எவ்வளவு போய் சேர்ந்தது என குறிப்பான ஆதாரங்கள் இன்றளவில் கிடைக்கவில்லை.

அதனால்தான் நாடாளுமன்றக் கூட்டுக் குழு விசாரணை தவிர, உச்சநீதிமன்றத்தால் கண்காணிக்கப்படும் நீதித் துறை விசாரணை வேண்டும் என்ற கோரிக்கை எழுந்துள்ளது. கருணாநிதி குடும்பத்துக்குள் நடந்த, நடக்கிற உள்குத்துக்கள் பூசல்கள் தாண்டி, தேசத்தின் சொத்துக்களை கொள்ளையடித்த நிறுவனங்கள், கஜானாக் கதவை திறந்து வைத்த அமைச்சர்கள், அதிகாரிகள், அரசியல்வாதிகள் கண்டறியப்பட்டு கூண்டில் ஏற்றப்பட்டு தண்டிக்கப்பட வேண்டும். கொள்ளைப் பணத்தைத் திரும்பப் பெற நடவடிக்கைகள் எடுக்கப்பட வேண்டும். சமூகநீதி கொள்கை பேசும் கூட்டம் கொள்ளையடித்துக் கொழுப்பது தடுக்கப்பட வேண்டும்.

2 ஜி அலைக்கற்றை (ஸ்பெக்ட்ரம்) மகா மெகா ஊழல் குற்றச்சாட்டு ராசாவோடு நின்றுவிடாது. மன்மோகனும் பதில் சொல்லியாக வேண்டும். 25.10.2007 அன்று, ராசா கையாளும் முறைகளுக்கு எதிராக, உரிமம் வழங்குவதில், நுழைவுக் கட்டணம், தகுதி அடிப்படைகள் ஆகியவை மறுபரிசீலனை செய்யப்பட வேண்டும், ஏல முறை பின்பற்றப்படலாம், என தொலைதொடர்பு துறை செயலர் டி.எஸ்.மாதுர் மற்றும் நிதித்துறை உறுப்பினர் மஞ்சு மாதவன் கடிதம் எழுதினர். 01.11.2007 அன்று சட்ட அமைச்சர் ஹன்ஸ்ராஜ் பரத்வாஜ் பிரச்சனை யின் முக்கியத்துவம் கருதியும் சுட்டிக்காட்டப் பட்டுள்ள பல்வேறு மாற்றுக்களை கணக்கில் கொண்டும், முதலில் பிரச்சனை அதிகாரம் பெற்ற அமைச்சர்கள் குழு முன்பு வைக்கப் பட்டு, இந்த இயக்கப்போக்கில் அட்டர்னி ஜெனரலின் சட்டபூர்வ ஆலோசனை பெறப்பட வேண்டும் என எழுதுகிறார்.

02.11.2007 அன்று, பிரதமர், ராசாவுக்கு, ‘எங்கெல்லாம் சட்டபூர்வமாகவும் தொழில் நுட்பரீதியாவும் சாத்தியப்படுமோ அங்கெல்லாம், வெளிப்படைத்தன்மையுடைய ஏல முறையை நுழைப்பதையும், தற்சமயம் உள்ள பழைய அலைக்கற்றை ஏலத்தொகையை அடிப்படையாகக் கொண்ட நுழைவுக் கட்டணத்தையும் உரிமத் தொகையையும் கணக்கில் கொள்ள வேண்டும்’ என எழுதினார்.

ராசா, 26.12.2007 தேதிய கடிதம் மூலம் தொலைபேசி கட்டணங்களைக் குறைக்க, தொலைபேசி பயன்படுத்துபவர்கள், குறிப்பாக, கிராமப்புறத்தவர் எண்ணிக்கையை உயர்த்த தம் முடிவே சரியானது என பிரதமருக்கு சொல்கிறார்.

தொலைதொடர்பு துறை நிகழ்வுகள் குறித்த ராசாவின் கடிதம் தனக்கு 03.01.2008 அன்று கிடைத்ததாக மன்மோகன் கடிதம் எழுதுகிறார். மன்மோகனின் கள்ள மவுனம், சந்தேக ஊசியின் முனையை அவர் பக்கமும் திருப்புகிறது.

மத்திய தணிக்கை அதிகாரி அறிக்கை குறிப்பிட்டது:

‘மிகவும் அரிதான, ஓர் அளவு மட்டுமே உள்ள தேசத்தின் சொத்தை மிகவும் நெளிவுசுளிவான தகுதி அளவுகளையும் வழிமுறைகளையும் பின்பற்றி அதன் உண்மையான மதிப்பைக் காட்டிலும் குறைவான மதிப்பில் சிலருக்கு வழங்குவதில், சட்ட மற்றும் நிதி அமைச்சக ஆலோசனைகளை புறக்கணிப்பதில் தொலை தொடர்பு ஆணைய பரிந்துரைகளை தவிர்ப்பதில், மாண்புமிகு தொலைதொடர்பு மற்றும் தகவல் தொழில்நுட்ப அமைச்சருக்கு எந்த நியாயமான, தர்க்கரீதியான காரணமும் இல்லை என்பது வெளிப்படை. தனது பரிந்து ரைகள் புறக்கணிக்கப்பட்டபோது அல்லது தவறாக பயன்படுத்தப்பட்டபோது, ஒழுங்கு படுத்தும் நிறுவனமான டிராய் கையைப் பிசைந்து கொண்டு பார்வையாளராய் நின்றது.’

ராசா ராஜினாமாவுடன் பிரச்சனை முடிந்து விடவில்லை. உச்சநீதிமன்றம் தலையிட்டு அடுத்தடுத்து, ராசாவை ஏன் விசாரிக்கவில்லை, பிரதமர் அலுவலக பதில் என்ன எனக் கேட்பது நல்லதுதான். ஆனால் அலைக்கற்றை மெகா ஊழல் தொடர்பான மக்கள் மன்ற போராட்ட அலைகளின் வரிசைதான், உண்மையை வெளியே கொண்டு வரும். நாடாளுமன்ற முடக்கத்தால் காங்கிரஸ் நாடாளுமன்ற உறுப்பினர்கள் தினப்படி வாங்குவதை நிறுத்திக் கொள்வதாக அறிவித்துள்ளனர். குற்றவாளிகள் நீதிமன்றப் படிகள் ஏற வேண்டும். சிறைக் கம்பிகளை எண்ண வேண்டும். அதுவரை மக்கள் விடக் கூடாது.



ஆதர்ஷ் (லட்சிய) ஊழல்

அம்பானியின் புதிய அடுக்குமாடி வீட்டின் புதுமனை புகுவிழா கோலாகலமாய் முடிந்து விட்டது. மகாராஷ்டிரா வீட்டு வசதி ஊழல்கள் சந்தி சிரிக்கின்றன.

‘தேசபக்த’ உயர் ராணுவ அதிகாரிகள், ஊழல் அரசியல்வாதிகள் கார்கில் போரில் ஈடுபட்டவர்களுக்கான வீடுகளை, எப்படி முறைகேடாக அபகரித்தனர் என புயல் வீசியது. காங்கிரஸ் முதல்வர் பதவி விலகினார். ஆதர்ஷ் (லட்சியங்கள்) வீட்டு வசதித் திட்டத்தில் வீடுகள் பெற்றவர்களில் 3 பேர் மட்டுமே கார்கில் போருடன் தொடர்புடையவர்கள்.

ராணுவ அமைச்சர் குற்றமய சதி நடந்துள்ளதாக சொல்கிறார். எல்லை தாண்டிய பயங்கரவாதமா? இடதுசாரி தீவிரவாதமா?

பதவி விலகிய சவான், தமக்கு ஆண்டு வருமானம் ரூ.1 லட்சத்துக்குக் கீழ் என்று சொல்லி, வதாவாவில் உள்ள பக்தி பார்க்கில் உள்ள வீனஸ் கட்டிடத்தில் அன்று சந்தை விலை ரூ.41 லட்சம் இருந்த ஒரு குடியிருப்பை (ஃப்ளாட்) வெறும் ரூ.3,66,969க்கு வாங்கினார்.

நலிந்த பிரிவினர்க்கு, முதலமைச்சர் ஒதுக்கீட்டில் வீடு ஒதுக்கப்படும் நகர்ப்புற நில உச்சவரம்பு சட்டம் 1976, இதற்கு வழிவகை செய்கிறது. இவ்வாறு மலிவு விலையில் ஒதுக்கப்படும் வீடுகளை 5 வருடங்களாவது விற்கக் கூடாது என்பது விதி. கடந்த பத்தாண்டுகளில் மலிவு விலையில் ஒதுக்கப்பட்ட 3993 அடுக்குமாடி குடியிருப்புகளில் 1008 வீடுகள் ஏற்கனவே விற்கப்பட்டுவிட்டன. இவற்றில் 138 வீடுகள் 5 ஆண்டுகளுக்குள் விற்கப்பட்டு விட்டன. 5 அரசியல்வாதிகள் குடிபுகுந்த அன்றே சந்தை விலையில் விற்றுவிட்டனர்.

5 ஆண்டுகளுக்குள் சந்தை விலையில் விற்று லாபம் சம்பாதிப்பதில் ஆளுங்கட்சியும் எதிர்க்கட்சியும் ஒரே மாதிரிதான் செயல்பட்ட னர். குற்றவாளிகள் பட்டியலில் சிவசேனா நாடாளுமன்ற உறுப்பினர் பரத்குமார் ரவுத்தின் மகன் ஓம், பாஜக அதிகாரபூர்வ பேச்சாளர் பிரகாஷ் ஜவடேகர் மகன் அஷ÷தோஷ், காங்கிரஸ் நாடாளுமன்ற உறுப்பினர் கோவிந்தாவின் சகோதரி காமினி கன்னா போன்றோர் உள்ளனர். ராஜ் தாக்கரேயின் மகாராஷ்டிரா நவநிர்மாண் சமிதியின் சிதிர் ஷிண்டேயும் சந்தை விலையில் வீட்டை விற்ற பிரபலம்தான்.

இப்போது, ஆதர்ஷ் குடியிருப்பு ஊழலை விசாரிக்கும் மத்திய புலனாய்வு துறை, குடியிருப்பு தொடர்பாக கேட்ட முக்கியமான ஆவணங்கள் சில காணாமல் போய்விட்டன என்கிறது மகாராஷ்டிர மாநில நகர்ப்புற வளர்ச்சி துறை. நல்லவேளை, தீ விபத்தில் எரிந்து சாம்பலாகிவிட்டன என்று சொல்லாமல் காணவில்லை என்றுதான் சொல்கிறார்கள்.



ஈயம் பித்தளையைப் பார்த்து இளித்ததாம்!

ஊழல் எதிர்ப்பில் காங்கிரஸ் காட்டும் பாதையை எதிர்க்கட்சிகள் பின்பற்ற வேண்டும் என அன்னை சோனியா அருள்வாக்கு சொல்லியுள்ளார். ஏற்கனவே பின்பற்றுகிறார் கள் என்பது அன்னைக்கு தெரியாமலா இருக்கும்?

அதனால்தான் 2010 சிறப்பு ஊழல்கள் நீங்கலாக, 2009 வரையிலான கணக்குப்படி, உலகமயம், தாராளமயம், தனியார்மயம் துவங்கிய 1992 முதல் நாட்டில் ஊழலில் கொள்ளையடிக்கப்பட்ட பணம் ரூ.73 லட்சம் கோடி. இந்தத் தகவலை அவுட்லுக் பத்திரிகை சொல்கிறது. ஆதர்ஷ் (லட்சிய) ஊழலில் பாஜக தலைவர் நிதின் கட்காரிக்கு மிகவும் நெருக்க மான பாஜக தேசிய செயற்குழு உறுப்பினரும் பிரபல தொழிலதிபருமான அஜய் சஞ்செட்டி உறவினருக்கும் தொடர்பு உள்ளது.

நிலக்கரி, ரயில், மின்சாரம், உள்கட்டுமான தொழிலதிபர் சஞ்செட்டி, நிதின் கட்காரியின் பினாமி என்றும் அவரே அர்ஜ÷ன் முண்டாவை ஜார்க்கண்ட் முதல்வராக்கும் பேரங்களில் ஈடுபட்டார் என்றும் சொல்லப்படுகிறது.

காங்கிரசைக் கேள்வி கேட்கும் பாஜகவை, கர்நாடக தாமரை எடியூரப்பா பற்றி கேட்டுத் திணறடிக்கிறது காங்கிரஸ்.

காங்கிரஸ் ஊழலுக்கு பாஜக ஊழல் பாதுகாப்பு. பாஜக ஊழலுக்கு காங்கிரஸ் ஊழல் பாதுகாப்பு. இரண்டு பேருக்கும் எம்பிரான் அமெரிக்கா பாதுகாப்பு.

கர்நாடகா நிலஉரிமை மாற்றுதல் தடுப்புச் சட்டம் 1991க்குப் புறம்பாக, எடியூரப்பா தன் மகன்கள் ராகவேந்திரா, விஜயேந்திரா, மருமகன் சோஹன் குமார் ஆகியோருக்கு விவசாய நிலத்தை குடியிருப்பு நிலமாக மாற்றித் தந்துள்ளார் என்ற ஊழல் புகாரில் சிக்கியுள்ளார். சவப்பெட்டி ஊழல், சுரங்க ஊழல் என ஊழல் பட்டியல் பாஜக வகையிலும் நீளும்.



அங்க ரெண்டு கொடும ஜிங்குஜிங்குன்னு ஆடுச்சாம்!



சென்னை நகரின் சாமான்ய மக்கள், கொடும கொடுமன்னு கோயிலுக்குப் போனா அங்க ரெண்டு கொடும ஜிங்குஜிங்குன்னு ஆடுச்சாம் என்று சொல்வார்கள். முன்னாள் உச்சநீதிமன்ற தலைமை நீதிபதிகளில் ஒரு டசனுக்கும் மேற்பட்டவர்கள் ஊழல் பேர் வழிகள் என்று உச்சநீதி மன்றத்தில் சொன்ன தற்காக, கனம் கோர்ட்டார் ஆவேசமாய் மூத்த வழக்கறிஞர் பிரசாந்த் பூஷன் மீது நீதிமன்ற அவமதிப்பு வழக்கு தொடுத்துள்ளார். முன்னாள் சட்ட அமைச்சரும் உச்சநீதிமன்ற வழக்கறிஞருமான சாந்தி பூஷன், என் மகன் சொன்னது சரிதான், நானும் அதையே சொல்கிறேன், முடிந்தால் என் மீதும் வழக்கு போட்டு சிறைக்கு அனுப்புங்களேன் என்று சவால் விடுத்துள்ளார்.

வழக்கு தொகையை தம் சொந்தக் கணக்கில் போட்டதற்காக, கொல்கத்தா உயர்நீதிமன்ற நீதிபதி ஒருவரை பதவி நீக்கம் செய்யும் தீர்மானம் நாடாளுமன்ற விசாரணை யில் உள்ளது. நீதிபதி தினகரன் மீது நில மோசடி ஒழுங்கீனப் புகார் உள்ளது.

இப்போது, என்ன பேசுவார், என்ன செய் வார் என்று சொல்ல முடியாத உச்சநீதிமன்ற நீதிபதி மார்க்கண்டேய கட்ஜ÷, நீதிபதி கியான் சுதா மிஸ்ராவுடன் சேர்ந்து ஒரு தீர்ப்பு வழங்கியுள்ளார். லக்னோ நீதிமன்ற அதிகார எல்லைக்குள் வரும் ஒரு சொத்து தொடர்பான வழக்கை அலகாபாத் நீதிமன்ற அமர்வம் விசாரித்து இடைக்கால தீர்ப்பு வழங்கியுள்ளது. ‘நீதி வழங்குதலுக்கு அப்பாற்பட்ட வேறு ஏதோ காரணம் இருப்பதாக’ கட்ஜ÷ அங்கலாய்த்துக் கொள்கிறார்.

கடுமையான தீர்ப்பு எழுதி எல்லா உயர்நீதிமன்ற பதிவாளர்களும் தலைமை நீதிபதிகள் முன் அந்தத் தீர்ப்பை வைக்கச் சொல்லியுள்ளார். திருந்தவே திருந்தாத நீதிபதிகளை இடமாற்றம் செய்யச் சொல்லி யுள்ளார். (அங்கு போய் விட்டதை தொடரலாமா?)

‘இந்த வழக்கு காட்டுவதுபோல் அலகாபாத் உயர்நீதிமன்றத்தில் ஏதோ அழுகிப் போயுள்ளது. அலகாபாத் நீதிபதிகள் சிலரின் நேர்மை பற்றி புகார்கள் வந்துள்ளது எங்களை வருத்தப்பட வைக்கிறது. சில நீதிபதிகளின் மகன்கள், மகள்கள், நெருங்கிய உறவினர் அதே நீதிமன்றத்தில் வழக்கறிஞர்களாக உள்ளனர். தொழில் துவங்கிய குறுகிய காலத்திலேயே அவர்கள் கோடீஸ்வரர்கள் ஆகிவிடுகிறார்கள். ஆடம்பர கார், பிரம்மாண்ட பங்களாக்கள், வங்கிக் கணக்கில் பெரும்தொகை என ஆடம்பர வாழ்க்கை வாழ்கின்றனர்.’ நீதிபதிகள் நியமனம், சொத்துக் கணக்குகள் தொடர்பாக பொதுமக்களிடம் விவரம் தெரிவிக்க மறுத்து தனக்கெதிரான வழக்கை தானே விசாரிக்கிறது உச்சநீதிமன்றம்.





ஊழலின் தோற்றுவாய்



முதலாளித்துவ வளர்ச்சிப் பாதையில் அதிகார நெருக்கத்திற்கும் அதிகாரத்தை தவறாகப் பயன்படுத்துவதற்கும் தனிச் சொத்திற்கும் பிரிக்க முடியாத உறவு எப்போதும் உண்டு. அமெரிக்கா முதல் இந்தியா வரை இதேதான் கதை. கூடாநட்பு முதலாளித்துவம் (இழ்ர்ய்ஹ் இஹல்ண்ற்ஹப்ண்ள்ம்) காலத்தின் கட்டாயம். மகா ஊழல்கள் தொடரும். கண்ணீர் இல்லாத வளர்ச்சியை ஊழலற்ற பொது வாழ்க்கையை, கற்பனை செய்பவர்கள், முட்டாள்களின் சொர்க்கத்தில் வாழ்பவர்கள். பளபளப்பு, மினுமினுப்பு மேல் தோலை விலக்கினால், ஊழல் முடை நாற்றம் மூச்சைத் திணறடிக்கும்.

இந்திய மக்களின் ஆயுள் காப்பீட்டு பணமும் கார்ப்பரேட்டுகள் கொள்ளையடித்து விட்டனர் என்று செய்தி வந்து விசாரணை நடக்கிறது.

கருணாநிதி, காங்கிரஸ், பாஜகவுக்கு எவ்விதத்திலும் குறைந்தவரல்ல ஜெயலலிதா என்ற செய்தியை இந்திய கம்யூனிஸ்ட் கட்சி மார்க்சிஸ்ட், தனது டிசம்பர் இயக்கத்தில் தமிழக மக்களிடம் துணிச்சலோடு சொல்லுமா?

தமிழ் திரை உலக விழா நாயகன் கருணா நிதிக்கு அவருடைய ஆஸ்தான கவிஞர் வைர முத்து எழுதிய ‘ஆழமான’ பொருள் கொண்ட ஒரு திரைப்படப் பாடலை கொஞ்சம் மாற்றி, ஆரிய ஊழல்கள் உன்னது, திராவிட ஊழல்கள் என்னது, ஆரியம், திராவிடம் இரண்டும் இருக்கட்டுமே என்று பாடிக் காட்ட வேண்டியுள்ளது.

அகில இந்திய அளவிலும், தமிழக அளவிலும் ஆரியம், திராவிடம் என்று சொல்லிக் கொள்பவை, சொல்லப்படுபவை எல்லாமே ஊழலிலும் அதன் தோற்றுவாயான முதலாளித்துவ வளர்ச்சிப் பாதையின் ஜோதியிலும் கலந்து சங்கமமாகிவிடும்.
எதிர்ப்புக்குள்ளாகியிருக்கும்



இரண்டு அறிவிப்பாணைகள்
 
அய்முகூ அரசு சமீபத்தில் வெளியிட்ட இரண்டு அறிவிப்பாணைகள் நாடு முழுதும் கடுமையான எதிர்ப்புக்களை சந்தித்துள்ளன. ஒன்று தேசிய ஊரக வேலை உறுதி திட்டத் தில் கூலி ரூ.100க்கு மிகக் கூடாது என மத்திய ஊரக அமைச்சகம் வெளியிட்ட அறிவிப்பாணை. மற்றொன்று சுற்றுச்சூழல் மற்றும் வனத்துறை அமைச்சகம் வெளியிட்ட கடற்கரை ஒழுங்கு முறை மண்டல அறிவிப்பாணை 2010.


மகாத்மா என்ற பெயரை சேர்த்து விட்டால், அது எப்படி இருந்தாலும் மகாத்மியம் மிக்கது என்று மக்கள் நம்புவார்கள் என்ற அய்முகூ அரசின் எதிர்பார்ப்பில் தேசிய ஊரக வேலை உறுதி சட்டமும் திட்டமும் மகாத்மா காந்தி தேசிய ஊரக வேலை உறுதி சட்டமும் திட்டமும் ஆயின.

இவை, மக்கள் வாழ்வாதாரங்களை உறுதிப்படுத்தவே என்றும், மக்கள் மீது அய்முகூ அரசு கொண்டிருக்கும் அக்கறையின் வெளிப்பாடு என்றும் காங்கிரசார் சொல்கிறார் கள். வேலை வாய்ப்பு கூலியை, அதன் பின் உணவை, வாழ்வை உறுதி செய்ய வேண்டும்.

2005ல் சட்டம் வந்தது; திட்டம் வந்தது. 2010ல் விலை உயர்வு விண்ணைத் தொடும் போதும் திட்டத்தில் ரூ.100க்கு மேல் கூலி தரக்கூடாது என்று அய்முகூ அரசு சொல்கிறது. மகாத்மா காந்தி தேசிய ஊரக வேலை உறுதி சட்டத்தின் பிரிவு 6 (1) குறைந்தபட்ச ஊதிய சட்டத்துக்கு எதிராக, ஜனவரி 1, 2009 அன்று ரூ.100 என்று உச்சவரம்பு விதித்தது. ஊழலுக்கு, பதுக்கலுக்கு, கொள்ளைக்கு, சூறையாடலுக்கு உச்சவரம்பு இல்லாத நாட்டில் கூலிக்கு மட்டும் உச்சவரம்பு வந்துவிட்டது.

இந்த ரூ.100 பல மாநிலங்களில் இதே வேலைகளுக்கு குறைந்தபட்ச ஊதியம் என்று நிர்ணயிக்கப்பட்டுள்ளதை விட குறைவு. ஆந்திரா, ராஜஸ்தான் உட்பட 19 மாநிலங்கள் மத்திய அரசு சொல்வதை விட, குறைந்தபட்ச ஊதிய சட்டத்தின்படி ஊரக வேலை உறுதித் திட்டத்தில் கூடுதல் கூலி தருகின்றன. குறைந்த பட்ச ஊதிய சட்டத்தின்படி நிர்ணயிக்கப்பட்ட கூலி என்பதால் இது விலை உயர்வுக்கு ஏற்ப மீண்டும் மாற்றியமைக்கப்படும்.

குறைந்தபட்ச ஊதியச் சட்டம் வேறு, மகாத்மா காந்தி தேசிய ஊரக வேலை உறுதி சட்டம் வேறு என்றும் உச்சவரம்பு, உச்சவரம்பு தான் என்றும் மத்திய ஊரக வளர்ச்சி அமைச்சகம் உறுதியாகச் சொன்னது. மனித முகம், பொருளாதார வளர்ச்சி என்ற வாய்வீச்சுக்கள் பொருளற்றவை என்பதை இந்த அலட்சியம் போதுமான அளவு தெளிவாக்குகிறது.

கூடுதல் சாலிசிட்டர் ஜெனரல் இந்திரா ஜெயசிங், ஒருவர், குறைந்தபட்ச ஊதியத்தை விட குறைவான ஊதியத்துக்கு வேலை செய்வாரேயானால் அது கட்டாய உழைப்பு என்றும் அரசியலமைப்பு சட்ட விதி 23 படி கண்டணத்துக்குரியது என்றும் சொல்கிறார். அய்முகூ அரசாங்கமே தான் தூக்கி, தாங்கி பிடிப்பதாக சொல்கிற அரசியலமைப்பு சட்ட விதிகளை, அவை மக்கள் சார்பு தன்மை கொண்டவை என்றால், மதிக்க தயாரில்லை.

ஆந்திராவில் உள்ள விவசாய விருத்திதருல சங்கம், ஊரக வேலை உறுதித் திட்டத்துக்கு கூலி உச்சவரம்பு நிர்ணயிக்கும் மத்திய அரசின் அறிவிப்பாணையை நீக்க வேண்டும் என்று கோரி நீதிமன்றத்துக்குச் சென்றது. ஆந்திரா உயர்நீதிமன்றமும் மத்திய அரசின் உச்சவரம்பு ஆணைக்கு தற்காலிக தடை விதித்துள்ளது.

தேசிய ஆலோசனைக் குழு கூட்டத்தில் அருணா ராயும் ஜீன் ட்ரீசும் பிரச்சனையை எழுப்ப சோனியா காந்தி, வேறு வழியின்றி, குறைந்தபட்ச ஊதிய சட்டத்துக்கும் தேசிய ஊரக வேலை உறுதி சட்டத்துக்கும் பிணக்கு இருக்கக் கூடாது என்று சொல்லியுள்ளார்.

மத்திய அரசு உடனடியாக உரிய திருத்தங் கள் மூலம் இந்த பிரச்சனை தீர்க்க வேண்டும் என்றும், அந்தந்த மாநிலங்களில் தரப்படும் குறைந்தபட்ச ஊதியமே, மகாத்மா காந்தி தேசிய ஊரக வேலை உறுதி சட்டத்தின் கீழ் தரப்பட வேண்டும் என்றும், அதற்கேற்ப அறிவிப்பாணை வெளியிடப்பட வேண்டும் என்றும் அய்முகூ அரசுக்கு பணித்திருக்கிறார்.

மத்திய, மாநில அரசுகள், தொழிலாளர் பிரதிநிதிகளின் முத்தரப்பு கூட்டத்தில் கூலி மறுநிர்ணயம் செய்யப்பட வேண்டும் என்றும் தனது குறிப்புகளில் சொல்லியுள்ளார்.

தேசிய ஊரக வேலை உறுதித் திட்டத்தில் 2010 - 2011 காலத்துக்கு நவம்பர் 26 வரை ஆந்திராவில்தான் அதிக நாட்கள் வேலைகள் தரப்பட்டுள்ளன. ஊரக வேலை உறுதித் திட்டத்தில் பீஸ் ரேட்தான் தரப்படுகிறது.

ஆந்திராவில், ஆந்திரா ஊரக வேலை உறுதி திட்டம் தொடர்பான அரசாணையும் வேலையின், தன்மை, அளவு, அதற்கான கூலி ஆகியவற்றை நிர்ணயிக்க வேண்டும் என்றும், அந்தந்த வேலைகளில் நாளொன்றுக்கு ரூ.80ஆவது குறைந்தபட்சம் தொழிலாளர்கள் பெறும்படி கூலி நிர்ணயிக்கப்பட வேண்டும் என்றும் சொல்கிறது. குறைந்தபட்ச ஊதியச் சட்டத்தின் அடிப்படையில்தான் ரூ.100க்கு மேல் கூலி வழங்கப்படுகிறது. இப்படி இருந்தால் மட்டுமே ரூ.100க்கு மேல் கூலி பெற முடியுமே தவிர, அய்முகூ அரசின் பெருமைமிகு திட்டம் என்று சொல்லப்படுகிற தேசிய ஊரக வேலை உறுதிச் சட்டப்படி ரூ.100க்கு மேல் கூலி பெறுவது சாத்தியமில்லை.

காங்கிரஸ் ஆளும் மாநிலத்திலேயே இருக்கிற உரிமை பறிபோகும், அதை மீட்க நீதிமன்றம் போக வேண்டும் என்றால், பிற மாநிலங்களில் நிலைமைகள் எப்படி இருக்கும் என்று ஊகித்துக் கொள்ளலாம்.

இதே பீஸ் ரேட் முறையில்தான் தமிழக கிராமப்புறங்களில் ஊரக வேலை உறுதித் திட்ட வேலைகளுக்கு ரூ.40, ரூ.50 என கூலி தரப்படுகிறது. போராட்டங்கள் நடத்தப்படும் இடங்களில் மட்டுமே கூலி இந்த வரம்பை கொஞ்சம் தாண்டுகிறது. ரூ.100அய் எட்டுவது அரிதாகவே நடக்கிறது. தமிழ்நாட்டில் குறைந்தபட்ச ஊதிய சட்டத்தின் அட்டவணையிடப்பட்ட வேலை வாய்ப்புக்களில் விவசாயம் என்ற ஒன்று சேர்க்கப்படவே இல்லை.

மத்திய அரசு விதித்திருக்கும் குறைந்த பட்ச ஊதியத்துக்கான உச்சவரம்பே அதிகபட்ச கூலியாக தமிழ்நாட்டில் நின்றுள்ளது. இதில் உழைப்புக்கேற்ற ஊதியம் உழைத்தால்தான் சாத்தியம் என்று எதுகை மோனையுடன் ஏகடியம் வேறு பேசுவார்கள்.

மகாத்மா காந்தி தேசிய ஊரக வேலை உறுதி சட்டமும் குறைந்தபட்ச ஊதியச் சட்டமும் குறைந்தபட்சமானவையே. குறைந்த பட்சங்களை நிறைவேற்றக் கூட அதிகபட்ச போராட்டங்கள் அவசியமாகின்றன.

இப்போது, திட்டத்தில் நடைபெறும் மஸ்டர் ரோல் முறைகேடுகளை தடுப்பது என்ற பெயரால் மத்திய ஊரக வளர்ச்சி அமைச்சகம் புதிய முயற்சி ஒன்றை எடுக்கிறது. அதன்படி, அரசு - தனியார் பங்கேற்புடன், திட்டம் தொடர்பான விவரங்கள் தொழில் நுட்பரீதியாக மின்னணு வடிவில் பராமரிக்கப் படும் என்கிறது. இதற்காக ரூ.2,162 கோடி ஒதுக்கியும் இருக்கிறது. உழைப்பவர்களுக்கு நாளொன்றுக்கு ரூ.100 கூலி என சொல்லும் அரசு, இந்தப் பெரிய தொகையை தனியார் கையில் கொடுக்க உள்ளது.

2006ல் வழங்கப்பட்ட வேலை அட்டை கள் 2011ல் புதுப்பிக்கப்பட வேண்டும். இந்தப் புதுப்பித்தல் வேலையை தனியாரிடம் ஒப்படைக்கிறது அய்முகூ அரசு. மொத்த விசயமும் சிறப்பு அடையாள அட்டை, அங்க அடையாள வருகைப் பதிவேடு ஆகியவை அடிப்படையில் அமையும். 2011 வந்துவிட்டது. எவ்வளவு பேரை, எத்தனை நாட்களில் புதுப்பிக்க முடியும்? உண்மையில் புதுப்பித்தல் பணியை காலம் தாழ்த்துவது, இருக்கிற கொஞ்சம் வேலை வாய்ப்பையும் மறுப்பது என்பதாகவே இந்த முயற்சி முடியும் என்று, அருணா ராய், ஜீன் ட்ரீஸ் போன்றவர்கள் சொல்கின்றனர். உள்ளடக்கிய வளர்ச்சி என்பது அய்முகூ அரசின் திட்டங்கள் பொறுத்தவரை தனியார் கொழுக்கவே. பெருவாரியான உழைக்கும் மக்களை வெளியேற்றி தனியாரை உள்ளடக்கவே.

கடல் மீன்பிடி தொழில் (ஒழுங்குமுறை மற்றும் நிர்வாகம்) மசோதா, ஆழ்கடலில் மீன்பிடிக்கும் உரிமையை சாமான்ய மீனவ மக்களுக்கு மறுத்து, கடலை பெருந்தொழில் குழுமங்களுக்கு தாரை வார்த்தது. இப்போது, கடற்கரை சூழலை பாதுகாப்பது என்ற பெயரில் சாமான்ய மக்களை, கடல் சார்ந்து வாழும் மக்களை அந்தப் பகுதிகளில் இருந்து விரட்டுகிறது கடற்கரை ஒழுங்குமுறை மண்டல அறிவிப்பாணை 2010.

அறிவிப்பாணைக்கு நாடெங்கும் எதிர்ப்பு எழுந்துள்ளது. கருணாநிதி கூட கடிதம் எழுதுகிறார். இப்போதுள்ள விதிகளில் மாற்றம் ஏதும் வந்தால், அது, மீனவ மக்களை பாதிக்கும் என்றும் சூழலை பயன்படுத்திக் கொண்டு சட்டம் ஒழுங்கு பிரச்சனையை சிலர் ஏற்படுத்தக் கூடும் என்றும், மக்களிடம் அறிவிப்பாணை பற்றி உள்ள அச்சம் நீங்கும் வரை தள்ளிப்போட வேண்டும் என்றும் தனது கடிதத்தில் குறிப்பிட்டுள்ளார். அதை கைவிட வேண்டும் என்று அவர் சொல்லவில்லை. நாடாளுமன்றத்தில் திமுக நாடாளுமன்ற உறுப்பினர் யாரும் இதுபற்றி பேசவும் இல்லை.

அசோக் சவானை மகாராஷ்டிரா முதல்வர் பதவியில் இருந்து விலகச் செய்த ஆதர்ஷ் குடியிருப்பு, கடற்கரை ஒழுங்குமுறை மண்டல விதிகளை வளைத்துத்தான் கட்டப்பட்டுள்ளது.

பாரதீப் துறைமுகத்தில் இருந்து வெறும் 12 கி.மீ தொலைவில் போஸ்கோ துறைமுகம் அமைக்க அனுமதி தரப்பட்டுள்ளது. அங்கிருந்து 80 கி.மீ தொலைவில் டம்ராவில் துறைமுகம் அமைக்க டாடா தயாராகிறார்.

நீடிக்கத்தக்க விதத்தில் வளர்ச்சியை முன்செலுத்துவது அறிவிப்பாணையின் நோக்கம் என்று சொல்லப்படுகிறது. உலகமயத்தில் வளர்ச்சி யாருக்கு என்பது யாவரும் அறிந்ததுதான். 2010 அறிவிப்பாணை, 1991 அறிவிப்பாணை சொல்கிற 500 மீட்டர் இடத்தையும் தாண்டி, ஆபத்து பகுதி என்று வரையறுக்கப்படுகிற இடத்தையும், கடலுக்குள் 12 கடல் மைல் பகுதியையும் கடற்கரை ஒழுங்குமுறை மண்டலம் என்று சொல்கிறது. கிட்டத்தட்ட சாமான்ய மக்கள் பயன்படுத்தும் கடலோரப் பகுதி இந்த எல்லைக்குள் வந்து விடும். அசோக் சவான், போஸ்கோ, டாடா அனைவருக்கும் வசதியாகப் போய்விடும்.

இந்தப் பகுதிக்குள் கடல்நீர் முகப்பு, கடலோர முகப்பு வசதி தேவைப்படுகிற புதிய ஆலைகள், அணுசக்தி ஆலைகள், மாசு ஏற்படுத்தாத சிறப்புப் பொருளாதார மண்டலங்கள், குடியிருப்புகள், அரிதான கனிமங்களை எடுக்க சுரங்க நடவடிக்கைகள், எண்ணெய் மற்றும் இயற்கை எரிவாயு இருப்பதை கண்டறிதல், எடுத்தல், மரபுசாரா எரிசக்தி நிறுவனங்கள், நவி மும்பையில் பசுமை வெளி விமானதளம் ஆகியவை வரலாம்.

ரசாயன அமைச்சகத்திற்கு அழகிரி பொறுப்பேற்றதற்கு பொருள் வேண்டாமா? கடலூர் - நாகப்பட்டினம் கடலோரப் பகுதியில் 2011ல் எண்ணெய் சுத்திகரிப்பு ஆலை தயாராகிவிடும். தமிழ்நாடு தொழில் வளர்ச்சி கழகத்துடன் நாகார்ஜ÷னா எண்ணெய் கழகம் இணைந்து இந்தப் பணியில் ஈடுபட்டுள்ளது. அடுத்து ராம நாதபுரத்தில் திருவாடனையின் கடலோரப் பகுதியில் 25,783 ஹெக்டேர் நிலம் அடை யாளம் காணப்பட்டுவிட்டது. தமிழ்நாடு தொழில் வளர்ச்சி கழகம் அமைச்சருக்கு தனது திட்ட முன்வைப்பை தந்துவிட்டது.

எரிசக்தி உற்பத்தியில் ரூ.91,000 கோடி முதலீடு வருகிறது என்று சமீபத்தில் ஸ்டாலின் வெளியிட்ட அறிவிப்பின் பின் உள்ள தயாரிப்பு இதுதான். தமிழக கடலோரப் பகுதிகளில் தனியார் துறைமுகங்கள், மின்உற்பத்தி நிலையங்கள் ஆகியவை ஏற்கனவே வரத் துவங்கிவிட்டன.

அறிவிப்பாணையை தள்ளிப் போடுங்கள் என்று அய்முகூ அரசுக்கு கடிதம் எழுதிவிட்டு, அழகிரி, ஸ்டாலின் மூலமும் கடலோரப் பகுதிகளை தனியாருக்கு தாரை வார்க்க எல்லா தயாரிப்புகளும் செய்துவிட்டார் கருணாநிதி. சாமான்ய மீனவ மக்களுக்கு அங்கே இடம் இருக்கப் போவதில்லை.

கடலோர குடிசைப் பகுதிகளில் வாழும் மக்களுக்கு குடிசை மறுவாழ்வு திட்டங்களை மாநில அரசுகள் உருவாக்க வேண்டும் என் கிறது அறிவிப்பாணை. மறுவாழ்வு நடவடிக்கை களின் மறுபெயர் வாழ்வுரிமை பறிப்பு என்று தான் இதுவரை மக்கள் பார்த்து வருகிறார்கள்.

அறிவிப்பாணை நகல் பற்றி தாங்கள் முன் வைத்த கருத்துக்கள் எவற்றையும் கணக்கில் எடுத்துக் கொள்ளாமல் அசல் அறிவிப்பாணை வெளியிடப்பட்டுள்ளதெனவும் இது கடலோர சுற்றுச்சூழலை கடுமையாக பாதிக்கும் எனவும், அறிவிப்பாணை கைவிடப்பட வேண்டும் எனவும் சுற்றுச்சூழல் ஆர்வலர்கள் குரல் எழுப்புகின்றனர். அய்முகூ அரசாங்கத்துக்கு பெருந்தொழில் குழுமங்களின் குரல் தவிர வேறெந்தக் குரலும் கேட்பதில்லை.

சோனியா காந்தி வேறு, அய்முகூ அரசு வேறு அல்ல என்பது அம் ஆத்மிக்கு, சாமானிய மனிதருக்கு நன்றாகவே தெரியும். ஆனால், எல்லா கொள்ளைகளும் எல்லா மக்கள்விரோத நடவடிக்கைகளும் கொள்கைகளும் சோனியா காந்தி ஒப்புதலுடன் அரங்கேறும்போது அவர் உழைக்கும் மக்கள் மீது அக்கறை கொண்டவர் போலவும் அய்முகூ அரசுக்கு அப்பாற்பட்டவர் போலவும் காட்ட முயற்சிக்கிறார்கள். குற்றங்களுக்கு அப்பாற்பட்டவர் என்று காட்டப்பட்ட மன்மோகன் இன்று குற்றம் சுமத்தப்பட்டு, இந்திய அரசு அவருக்காக நீதிமன்றத்தில் வாதாடுகிறது. அய்முகூ அரசின் அத்தனை மக்கள் விரோத நடவடிக்கைகளுக்கும் தலைமை தாங்கும் சோனியா காந்திக்கும் மன் மோகன் சிங்குக்கும் கருணாநிதிக்கும் எத்தனை நாட்கள் முகமூடிகள் போட முடியும்?
தொழில்துறை வேலை வாய்ப்பும்



பெண் தொழிலாளர்களும்
 
மொத்த தொழிலாளர்களில் பெண் தொழிலாளர் எண்ணிக்கையை, தொழிற்சாலையில் பணி புரியும் பெண் தொழிலாளர்கள் எண்ணிக்கை பிரதிபலிப்பதில்லை. பெண்கள் வீட்டுச் சிறையில் இருந்து விடுபட்டு வேலைக்கு வந்தாலும் அவர்களில் மிகச் சிலருக்கே தொழிற்சாலைகளில் வேலை கிடைக்கிறது.


பெண் தொழிலாளர்கள் பெரும்பாலும் சேவைத் துறை அல்லது சுயதொழிலில் உள்ள ‘இழிவான’ வேலைகள் அல்லது ‘திறமை குறைவாக தேவைப்படும்’ வேலைகளுக்கே விரட்டப்படுகின்றனர்.

சேவைத் துறையிலும் பால்ரீதியான பாகுபாடு இருக்கிறது. தொழில் துறையில் பால்ரீதியான வேலைப் பிரிவினை இருக்கிறது. இதனால் தொழில் துறையிலும் பெண் தொழிலாளர்கள் மிகச் சில குறிப்பிட்ட வேலை களிலேயே சுருக்கி நிறுத்தப்படுகின்றனர்.

பெண்கள் தொழிற்சாலைகளில் கடின மான வேலைகளை செய்ய முடியாது என்றும், அவர்கள் அசெம்பளி அல்லது ஆயத்த ஆடை தயாரிப்பு போன்ற வேலைகளை மட்டுமே செய்ய முடியும் என்றும் சொல்லப்படுகிறது. புனேயில் பஜாஜ் ஆட்டோ உட்பட பல்வேறு தொழிற்சாலைகளில் 30 - 40 சதம் மிஷினிஸ்டுகள் பெண்களே. புனே பெண் தொழிலாளர்கள் லேத்துகளில் வேலை செய்ய முடியும் என்றால் தமிழக பெண் தொழிலாளர்களால் முடியாதா?

ஆக, தொழில்துறை வேலைவாய்ப்பில் பெண் தொழிலாளர் எண்ணிக்கை குறைவாக இருக்கிறதென்றால், பெண் தொழிலாளர்கள் சில குறிப்பிட்ட வேலைகளில் மட்டுமே அமர்த்தப்படுகிறார்கள் என்றால், வேலை யளிப்பவர் மத்தியில், சமூகத்தில் உள்ள இது பற்றிய ஆணாதிக்க அணுகுமுறையே காரணம்.

2004ல் தொழிலாளர் பியூரோ வெளியிட்ட தொழிலாளர் புள்ளிவிவரங்கள் 2008 சொல்வது படி, தமிழ்நாட்டில் 34,535 பதிவு செய்யப்பட்ட தொழிற்சாலைகள் இருந்தன. இவற்றில் 25,843 இயங்கின. இவற்றில் 21,430 தொழிற்சாலை பற்றிய விவரங்களை மாநில தொழிலாளர் துறை தந்தது. 21,430 ஆலைகளில் 12,83,000 தொழிலாளர்கள் உள்ளனர் என்றும் அவர் களில் 3,59,831 தொழிலாளர்கள் பெண்கள் என்றும் சொன்னது. அதாவது, 2005ல் தொழிற்சாலை வேலைகளில் பெண் தொழி லாளர் வெறும் 28%. என்ஜினியரிங் தொழிற்சாலைகளில் பெண் தொழிலாளர் எண்ணிக்கை வெறும் 1.33%தான். இதுபோன்ற ஆலைகளில் கடுமையான ஆள்பற்றாக்குறை இருக்கும் போதும், பெண் தொழிலாளர்கள் இதுபோன்ற வேலைகளுக்கு அமர்த்தப்படுவதில்லை.

கேரளாவில் ஆண்கள் வளைகுடா நாடுகளுக்குச் சென்றுவிடுவதால், தொழிற்சாலை வேலைவாய்ப்பில் பெண் தொழிலாளர் எண் ணிக்கையே கூடுதல். ஆண் தொழிலாளர்கள் இங்கு 28% மட்டுமே. தனியார் துறையை மட் டும் எடுத்துக்கொண்டால் பெண் தொழிலாளர் எண்ணிக்கை ஆண் தொழிலாளர் எண்ணிக்கையைப் போல் இரண்டு மடங்கு.

கர்நாடகாவில் தொழிற்சாலை வேலை வாய்ப்பில் பெண் தொழிலாளர் எண்ணிக்கை 29%. ஆந்திராவிலும் மகாராஷ்டிராவிலும் இது முறையே 8%, 6%. ஆணாதிக்க குஜராத்தில் 3%.

பெண் தொழிலாளர்களுக்கு திறமையான வேலைகளுக்கான படிப்பு இல்லாமல் போவது, பயிற்சி இல்லாமல் போவது, இவற்றுடன் ஆணாதிக்கக் சிந்தனைப் போக்குகள் சேர்ந்து கொண்டு தொழிற்சாலை வேலைவாய்ப்பு களில் இருந்து பெண் தொழிலாளர்களை பெருமளவில் வெளியே, திறமை குறைவான வேலைவாய்ப்புகளில் நிறுத்திவிடுகின்றன.

உதாரணமாக திருபெரும்புதூரில் தோல் பொருட்களுக்கான சிறப்புப் பொருளாதார மண்டலத்தில் 32 தோல் பொருட்கள் ஆலைகள் வந்த பிறகும் ஆள்பற்றாக்குறை காரணமாக உற்பத்தியை இன்னும் துவங்காமல் இருக்கின்றன. ஃபாக்ஸ்கான், நோக்கியா போன்ற மின்னணு பொருட்கள் உற்பத்தியில் பெண் தொழிலாளர்கள் பெரும் எண்ணிக்கை யில் இருந்தாலும். தோல் பொருட்கள் உற்பத்திக்கு அவர்கள் வரவில்லை.

தோல் தொடர்பான வேலைகளில் உள்ள நிலப்பிரபுத்துவ தப்பெண்ணம் தலித் அல்லாத பெண் தொழிலாளர்களை இது போன்ற வேலை வாய்ப்புக்களில் இருந்து விலக்கி நிறுத்தக் காரணமாக இருக்கலாம்.

மாதவரம், குரோம்பேட்டை பகுதிகளில் இருப்பது போல் தலித் பெண் தொழிலாளர்கள் இது போன்ற ஆலைகளில் வேலை செய்கின்ற னர். ஆனால் திருபெரும்புதூரில் தலித் பெண் தொழிலாளர்கள் கூட இந்த வேலை வாய்ப்பை நாடாமல் இருப்பதற்கு சுற்றியுள்ள கிராமங்களில் உள்ள நிலப்பிரபுத்துவ பின்னணி காரணமாக இருக்கலாம்.

இது விசித்திரமானதாக இருக்கிறது. ஏனென்றால், தமிழ்நாட்டில், பர்கா அணிந்த இசுலாமிய பெண்கள் கூட, ஆம்பூர், வாணியம்பாடி பகுதிகளில் இதுபோன்ற தொழிற்சாலை வேலைவாய்ப்பில் பெரும் எண்ணிக்கையில் வந்துவிட்டனர். இந்தப் பகுதியில் இதுபோன்ற ஆலைகளை நடத்துகின்ற இசுலாமிய முதலாளிகள், இசுலாமிய பெற்றோர்கள் தங்கள் வீட்டு பெண்களை வேலைக்கு அனுப்பும் விதம், ஒரு கட்டுப்பாடான ஆணாதிக்க வேலைச் சூழலை உருவாக்கியுள்ளனர்.

தொழிற்துறை ஆணாதிக்கப் போக்குகள் சுமங்கலித் திட்டத்தை உருவாக்குவது போல், சாதிரீதியான ஆணாதிக்கம் தலித் பெண் தொழிலாளர்கள் தொழிற்சாலை வேலை வாய்ப்பில் இருந்து விலக்கி வைக்கிறதா என்று பார்க்க வேண்டியுள்ளது.

ஆக, கிட்டத்தட்ட பாதி கூலியில் பெண் தொழிலாளர்களை வேலைக்கு அமர்த்த முடியும் என்றாலும், தொழிற்சாலை வேலை வாய்ப்பில் முதலாளிகள் பெண் தொழிலாளர் களை அமர்த்தாமல் இருப்பதற்கு காரணமாக உள்ள ஆழமான ஆணாதிக்கப் போக்குகளை எதிர்த்தாக வேண்டும்.

திறமையை வளர்ப்பது ஒரு பிரச்சனை என்று எடுத்துக்கொண்டாலும், ஆண்களை பயிற்சியாளர்களாக அமர்த்தி வேலையில் ஈடுபடுத்தி பயிற்சி தரும் ஆலைகள் ஏன் பெண்களை பயிற்சியாளர்களாக அமர்த்துவதி ல்லை? திறமையில்லாத ஆண் தொழிலாளர்களுக்கு பயிற்சி அளிக்க முடியும் என்றால், திறமையில்லாத பெண் தொழிலாளர்களுக்கு பயிற்சி அளிக்க முடியாதா? எல்எம்டபிள்யு போன்ற ஆலைகள் 100 சதம் ஆண்களையே பயிற்சியாளர்களாக எடுத்துக்கொண்டது. 1980களில் பல ஆலைகளில் இதுவே நிலைமை. 1990களில் அய்சிஎஃப் போன்ற பொதுத் துறை நிறுவனங்கள் கூட ஆண்களைத்தான் பயிற்சி யாளர்களாக அமர்த்தின. பெண்களை எடுத்துக் கொள்ளவில்லை.

தனியார்மயமாகிவிட்ட தொழில்நுட்பக் கல்வியும் பெண்கள் தொழிற்சாலை வேலை வாய்ப்பு பெறுவதற்கு தடையாக உள்ளது. தமிழகத்தில் தொழிலில் முதலீடு அதிகரித்தாலும் அதற்கேற்ப திறன்பெற்ற தொழிலாளர்களை உருவாக்குவதில் பின்தங்கிய நிலையே உள்ளது. பெண் தொழிலாளர் திறன் வளர்ப்புக்கான குறிப்பான கொள்கைகள் இல்லை என்றால், பெண் தொழிலாளர்களின் வேலை வாய்ப்பு அதிகரிப்பு, ஊதியம் அதிகரிப்பு ஆகியவை முடக்கப்பட்டே இருக்கும்.

1990ல் வேலை வேண்டி பதிவு செய்தவர் கள் எண்ணிக்கை 99.3 லட்சம், 2004ல் இது 106.1 லட்சம் ஆனது. இதே கால கட்டத்தில் வேலை வேண்டி பதிவு செய்த பெண் தொழிலாளர் எண்ணிக்கை 24.6% என்பதில் இருந்து 26.2% என உயர்ந்தது. தமிழ்நாட்டில் வேலை வேண்டி பதிவு செய்தவர்களில் மூன்றில் ஒருவர் பெண் தொழிலாளி.

மத்திய தொழிலாளர் அமைச்சகம், வெளியிட்ட வேலை வாய்ப்பு அலுவலக புள்ளிவிவரங்கள் 2006படி, 2005ல் தமிழ்நாட்டில் வேலை கேட்டு பதிவு செய்தவர்கள் 36.8 லட்சம். அப்படியென்றால், கிட்டத்தட்ட 10 லட்சம் பெண்கள் வேலைக்காக காத்திருக்கிறார்கள்.

ஆணாதிக்க பாகுபாடு பொதுமைப் படுத்தப்பட்டதாக, வேலை அளிப்பவர்கள், அதிகார வர்க்கத்தினர், கொள்கை உருவாக்குபவர்கள், மற்றும் ஆண் தொழிலாளர்கள் மத்தியிலும் கூட நிலவுகின்றன. மூலதனத் துக்கு மலிவான உழைப்பு தேவைப்படுகிறது. ஆனால் தமிழ்நாட்டில் மூலதனத்தால் இந்த ஆணாதிக்கத் தடையை தாண்டிச் செல்ல முடியவில்லை. தமிழ்நாடு அதன் நிலப்பிரபுத் துவ மரபுகளில் இருந்து இன்னும் முழுமையாக விடுபடவில்லை. ஆனால் அதற்கான பொருளாயத நிலைமைகள் கனிந்துள்ளன.

இந்தக் கட்டத்தை தாண்டி வர வேண்டு மானால், வேலைவாய்ப்பில், பயிற்சி அளிக்கப் படுவதில் பால்ரீதியான பாகுபாட்டில் இருந்து விடுபட வேண்டுமானால், ஆணாதிக்கக் கலாச்சாரத்திற்கு கடுமையான எதிர்த்தாக்குதலும், தொழிற்சங்க அதிகாரத்துவம் உட்பட அனைத்து மட்டங்களிலும் ஆணாதிக்க பழமை வாதத்துக்கு எதிரான சக்திவாய்ந்த கருத்தியல் போராட்டமும் அவசியம்.
உழைக்கும் மக்கள் போராட்டத்தைத் தீவிரப்படுத்துவோம்!



ஊழல், துரோக திமுக ஆட்சிக்கு முடிவு கட்டுவோம்!
 
ரூ.1,76,379 கோடி அலைக்கற்றை ஊழல் நாடு முழுதும் கடும் அதிர்ச்சி அலை களை உருவாக்கி உள்ளது. அலைஅலையாய் வந்து திமுகவை தாக்கி வருகிறது. எதிர்க் கட்சிகளை, குறிப்பாக, ஜெயலலிதாவை உற்சாகமடையச் செய்துள்ளது. கருணாநிதிக்கு பெரும் பின்னடைவு. திமுக - காங்கிரஸ் கூட்டணிக்கு சோதனைக் கட்டம். அடுத்த ஆண்டு கோடைக் காலத்தில் நடைபெற வேண்டிய தேர்தலுக்கான முன்தயாரிப்பு இப்போதே சூடுபிடிக்கத் துவங்கிவிட்டது.


நாடாளுமன்ற உச்சகட்ட அமளிக்கு இடையிலும், ராசா, நான் பதவி விலக மாட்டேன் என்றார். எல்லாம் பிரதமருக்கு தெரிந்தே (அனுமதியுடன்) நடந்திருக்கிறது, ராசா பதவி விலகத் தேவையில்லை என்றார் கருணாநிதி. மாலை இப்படிச் சொன்ன கருணாநிதி, இரவு பதவி விலகு என்று சொல்ல வேண்டிய நெருக்கடிக்கு ஆளாகிவிட்டார். ‘பொட்டல் காட்டில் பூத்த (ஊழல்) புரட்சி மலர்’ ஆ.ராசா பதவி விலகிக் கருகிவிட்டது. ஆ...ஆ...ஆ...ராசா! என்று மன்மோகன் சிங், ராசாவை முதுகில் தட்டிப் பாராட்டியுள்ளார்.

நாடாளுமன்றம் முடங்கக் கூடாது, ஜனநாயகக் கடமை ஆற்ற வேண்டும் என்ற நல்லெண்ணத்தாலும் அரசாங்கத்துக்கு தர்ம சங்கடம் ஏற்படக் கூடாது என்ற கரிசனத்தாலும் ராசாவை பதவி விலக அறிவுறுத்தியதாக திமுக தலைவர் சொன்னார்.

ராசாவின் விலகலுக்குப் பிறகும் நாடாளு மன்றம் செயல்படவில்லை. அவசரப்பட்டு விட்டோமே என்ற வருத்தத்தை வேலூர் கூட்டத்தில் வெளிப்படுத்தியிருக்கிறார். கருணாநிதிக்கு சோனியா தரப்பில் இருந்தும் ஜெயலலிதா தரப்பில் இருந்தும் நெருக்கடி. கிரிக்கெட், காமன்வெல்த், ஆதர்ஷ் வீட்டு ஊழல்களில் காங்கிரஸ் 2 அமைச்சர்களையும் 1 முதலமைச்சரையும் இழக்க வேண்டியிருந் தது. திமுக மட்டும் இழக்காமல் இருந்தால் அது கூட்டணி தர்மமாகுமா? 18 நாடாளுமன்ற உறுப்பினர்களைத் ‘தரத் தயார்’ என்று ஜெயலலிதா வெளிப்படையாக வலிந்து போய் சொன்னதில் ஆடிப்போன கருணாநிதி ஓடிப்போய் பதவி விலகச் சொல்லிவிட்டார்.

ஆச்சாரியாருக்கு (டி.டி.கிருஷ்ணமாச்சாரி) ஒரு நீதி, ஆதிதிராவிடருக்கு ஒரு நீதியா என்று கருணாநிதி சீறுகிறார். நாட்டின் அரிய வளம், மக்கள் சொத்து ரூ.1,76,379 கோடி சூறையாடப்பட்டிருப்பது பற்றி அவருக்கு கவலை இல்லை. நாட்டின் தொலைதொடர்பு துறை விழுங்கப்பட்டிருப்பது பற்றி அரசாங்கத்துக்கு இழப்பு ஏற்பட்டிருப்பதைப் பற்றி முதலமைச் சருக்கு அதிர்ச்சி ஏற்படவில்லை.

ஒரு வரியில் சொல்வதானால், ராசா மட்டும் குற்றவாளி அல்ல. திரு.கருணாநிதியும் தான். குற்றத்தை நியாயப்படுத்துகிறவர்களும் குற்றவாளிகளே. இதுதான் பொது நியதி.

கருணாநிதியின் மனச்சாட்சியான மாறன், நவதாராளவாத சீர்த்திருத்தங்களின் சிற்பிகளில் ஒருவர். தகவல் - தொடர்பு - ஊடக - கேளிக்கை துறையில் கொட்டிக் கிடக்கும் வானளாவிய வாய்ப்புக்கள் இவர்களிடம் மாபெரும் கனவை தூண்டியுள்ளன.

சன் குழுமத்தின் மூலம் ஊடகத் துறையில் பெருந்தொழில் கு(ழு)டும்பமாக எழுந்து நிற்கும் இவர்களுக்கு தொலை தொடர்பு துறை மீது ஒரு கண். தொலை தொடர்பு, கப்பல் மற்றும் தரைவழி போக்குவரத்துத் துறைகள் வேண்டும் என்று கேட்டு வாங்கிக் கொண்டனர். இது ஒரு தொலைநோக்குத் திட்டம்.

தயாநிதி மாறன் பதவி விலகியதை அடுத்து ஆ.ராசாவிடம் வரும்படி பார்த்துக் கொண்ட னர். ராசா விலகிய பிறகு திமுகவுக்கே திரும்பி வரும் என்று எதிர்ப்பார்த்தனர். இந்திய வரலாற்றில் இதுவரை இல்லாத அளவு ஊழல் நடந்திருப்பதிலும் தலித் ராசாவுக்காக சூத்திரர் கருணாநிதி வரிந்து கட்டிக் கொண்டு வாதாடு வதிலும் ஆச்சரியம் இல்லை.

பெருமுதலாளிகள் - அரசியல்வாதிகள் - அதிகார வர்க்கத்தினர் கூட்டணியிடம் நாடு சிக்கியிருக்கிறது என்பது மிகவும் அபாயகர மான நிலைமை. தகரப் பெட்டியுடன் திருட்டு ரயிலேறி சென்னைக்கு வந்த கருணாநிதியும் அவரது குடும்பமும் பெருமுதலாளிகள் - அரசியல்வாதிகள் - அதிகார வர்க்கம் ஒன்று கலந்த பிரதிநிதியாக எழுந்து நிற்கிறது. இதுதான் திராவிட தேசத்தின் மாபெரும் பங்களிப்பு. கருணாநிதியின் மகாமகா சாமர்த்தியம்.

ராசாவை நீக்குங்கள், திமுக ஆதரவை விலக்கிக் கொண்டால், 18 நாடாளுமன்ற உறுப்பினர்களின் ஆதரவைப் பெற்றுத் தந்து ஆட்சி கவிழாமல் காப்பாற்றுவேன் என்று பகிரங்கமாக அறிவித்தது சாணக்கிய அரசியல் என்று பேசப்படுகிறது. அவர் அவ்வாறு சொன்னதால்தான் ராசா பதவி விலகி வேண்டி வந்தது என்றும் சொல்லப்படுகிறது. இருக்கலாம். இது ஒன்றும் புதிதல்ல. பாஜக ஆட்சிக்கு தந்து வந்த ஆதரவை ஜெயலலிதா விலக்கிக் கொண்ட மறுநிமிடமே கருணாநிதி ஆதரவு தந்து தேஜமு ஆட்சி கவிழாமல் பாதுகாத்தார் கருணாநிதியிடம் கற்ற விளையாட்டைத்தான் ஜெயலலிதா விளையாடிப் பார்க்கிறார். அதுதான் கருணாநிதியின் அச்சமும் கூட.

அலைக்கற்றை ஊழல் நாட்டையே உலுக்கிக் கொண்டிருந்த நேரம், ‘அடிக்கரும்பு’ (அடிக்கம்பு) அழகிரி வீட்டுத் திருமணம் மதுரையை ஸ்தம்பிக்கச் செய்து கொண்டிருந்தது. திருமணத்தில் கலந்துகொண்ட பிரணாப் முகர்ஜி ‘கூட்டணி’ தொடரும் என்று கூறி கலங்கிப் போயிருந்த கருணாநிதிக்கு தெம்பூட்டினார். ‘இந்தக் கூட்டணி நாட்டுக்கு நிறைய செய்திருக்கிறது’ என்றார். ‘இன்னும் செய்யும்’ என்றார். அலைஅலையாய் ஊழல், அமெரிக்க அடிமைத்தனம், வறுமை, வேலையில்லா திண்டாட்டம், விலைஉயர்வு, விவசாயிகள் தற்கொலை, பட்டினிச் சாவு, விவசாய நெருக்கடி... இப்படி நிறைய செய்துள்ளது.

கருணாநிதிக்கு தொல்.திருமா வேறு விதமாக தெம்பூட்டினார். இது பெரியார் தேசம், பெரியார் தேசத்தை பங்கு போட்டுக் கொள்ள பெரியார் பேரன்களுக்கு உரிமை உண்டு என்றார். பெரியார் தேசத்துக்குள் (தமிழ்நாட்டுக்குள்) இந்தியாவே வந்துவிட்டதோ? பெரியார் பேரன்கள் இந்தியாவையே பங்கு போட்டுக் கொண்டிருக்கிறார்கள்.

பஞ்ச் டயலாக் ரஜினிகாந்த், கருணாநிதிக்கு இரண்டு சொத்துக்கள், ஒன்று திமுக, இன்னொன்று ஸ்டாலின், அழகிரி (கனிமொழி, செல்வியை விட்டுவிட்டார்); இது அதைக் காப்பாற்ற வேண்டும், அது இதைக் காப்பாற்ற வேண்டும் என்றார். ஆட்சியை யார் காப்பாற்றுவார்கள் என்று சொல்லாமல் விட்டு விட்டார்.

இறுதியில் பேசிய கருணாநிதி திருமண நிகழ்ச்சி கூட்டணியின் ஒற்றுமையைக் காட்டுகிறது என்றார். ஆம். ஊழலில் கூட்டணி, ஒற்றுமை; துரோகத்தில் கூட்டணி, ஒற்றுமை.

பீகார் தேர்தலில் நிதிஷ் குமார் வெற்றி பற்றி தேர்தல் முடிவுகள் முழுமையாக வரும் முன்னரே ஜெயலலிதா வாழ்த்துச் செய்தி அனுப்பினார். வலுவான எதிரிகளை நிதிஷ் அடித்து நொறுக்கியதுபோல் தானும் நொறுக்க முடியும் என்று தனக்குத் தானே தெம்பூட்டிக் கொண்டார்.

முடிவு வந்து இரண்டு நாட்கள் கழித்து முரசொலி, வளர்ச்சித் திட்டங்களுக்கு மக்கள் வாக்களித்துள்ளனர் என்றது. தேர்தலுக்கு மூன்று மாதங்களுக்கு முன்பு, நிதிஷ் மீது பெரும் ஊழல் பிரச்சனை எழுப்பப்பட்டது, அது வெற்றியை பாதிக்கவில்லை, வளர்ச்சித் திட்டங்கள்தான் எல்லாம், அதுதான் அபார வெற்றியை அளித்தது என்றது. திமுக செய்து ள்ள வளர்ச்சித் திட்டங்கள் ஏராளம், அது ஆறாவது முறையும் திமுகவுக்கு வெற்றி தேடித் தரும் என்று வளர்ச்சி அரசியல் பேசுகிறது.

27 லட்சம் குடும்பங்களுக்கு 55 லட்சம் ஏக்கர் நிலம் என்று சொல்லி நான்கரை ஆண்டு களில் வெறும் 2 லட்சம் பேருக்கு 1 லட்சம் ஏக்கர் நிலம் மட்டுமே தந்து, மனமுண்டு, நிலமில்லை என்று சொல்லி 2 ஏக்கர் நில வாக்குறுதிக்கு மூடுவிழா நடத்திவிட்டார் கருணாநிதி. 2 ஏக்கர் நிலம் என்று சொல்லி, 2 சென்ட் நிலம் கொடுக்கப்பட்டுள்ளது.

தேனி மாவட்டத்தில் இந்தத் திட்டத்தில் ரூ.200 கோடி வரை மோசடி நடந்துள்ளது. வசதி படைத்தவர்களும், நிலமுள்ளவர்களும் பயனாளிகள் பட்டியலில் இடம்பெற்று வறிய வர்களுக்கு வர வேண்டிய நிலத்தை அபகரித்துக் கொண்டனர். புதுக்கோட்டை மாவட்டத்தில் பட்டா வழங்கப்பட்டுள்ளது; நிலம் அதிமுக ஊராட்சி மன்றத் தலைவரிடம் இருந்தது. மக்கள் போராடி நிலத்தை மீட்டனர். கருணாநிதியின் மக்கள் திட்டங்கள் இவ்வளவுதான்.

திமுகவை, ராசாவை தீவிரமாக எதிர்த்து வரும் ஜெயலலிதா மிகக் கவனமாக காங்கிரசைத் தாக்குவதை தவிர்த்து வருகிறார். பிரதமர் அறிவுரையை மீறி ராசா செயல்பட்டி ருக்கிறார் என்று கூறி பிரதமரை நல்லவராகக் காட்டுகிறார். அமெரிக்க தாசரும் அரசியல் தரகருமான சுப்ரமணியம் சாமி கூட பிரதமர் கறையில்லாதவர் என்கிறார்.

இவ்வளவு பெரிய ஊழல் நடக்க வாய்ப்புள்ளது என்று தெரிந்தும் ஏன் எதுவும் செய்யவில்லை? எதுவும் செய்ய முடியாதவராக பிரதமரை கருத முடியாது. அமெரிக்காவுடன் அணு ஆற்றல் ஒப்பந்தம் செய்து கொள்வதற்காக ஏதேதோ செய்தார்.கூட்டுப் பொறுப்பு அடிப்படையில் இயங்கும் அமைச்சரவைக்கு பொறுப்பேற்கும் பிரதமர் இதற்கும் பொறுப்பேற்க வேண்டும்.

திமுக எதிர்ப்பில் நிற்கும் ஜெயலலிதா வுக்கு காங்கிரஸ் எதிர்ப்பு இல்லை. ஊழல் குற்றத்துக்காக உச்சநீதிமன்றத்தால் கண்டிக்கப் பட்ட ஜெயலலிதா, ஊழல் எதிர்ப்புப் போராளியாக தன்னை முன்னிறுத்திக் கொள் கிறார். இரட்டை அணுகுமுறை மேற்கொள்கிறார். நாட்டையே ஊழல் போக்கில் திருப்பி விட்டுவிட்ட காங்கிரசை எதிர்க்காமல் ஊழலு க்கு எதிராக எந்தப் பொருள்ள எதிர்ப்பையும் காட்ட முடியாது. ஊழலுக்கு ஊற்றுக் கண்ணாகத் திகழும் நவதாராளவாத கொள்கையோடு ஜெயலலிதாவுக்கு எவ்வித பிணக்கோ, மோதலோ இல்லை. நவதாராளவாத கொள்கைப் போக்கை எதிர்க்காமல் ஒருபோதும் ஊழலை எதிர்க்க முடியாது.

காங்கிரசுக்கு வெளிப்படையாக ஆதரவுக் கரம் நீட்டிய அதிமுக நிலை கண்டு முதலில் உடனடியாக கருத்துக் கூற மறுத்துவிட்ட ராமகிருஷ்ணனது மார்க்சிஸ்ட் கட்சி செயற் குழு, அதிமுக மேற்கொண்டிருந்த நிலைக்கு இது (காங்கிரஸ் ஆதரவு) முரண்பாடானது என்று அறிக்கை விடுத்தது.

இடதுசாரிகள் ஜெயலலிதாவுடன் சேர்ந்து நின்றபோது எந்தவிதமான காங்கிரஸ் எதிர்ப்பு உத்தரவாதமும் தரவில்லை. ஜெயலலிதாவிடம் காங்கிரஸ் எதிர்ப்பு உத்தரவாதம் இல்லை என்று தெரிந்துகொண்டே அவருடன் சேர்ந்து நின்றனர்.

காங்கிரசுக்கு தூது விடுகிறார் என்று தெரிந்ததும் இககமா தலைவர்கள் ஜெயலலிதாவை சந்தித்து மக்கள் பிரச்சனைகளில் கூட்டுப் போராட்டம் நடத்தலாம் என அழைப்பு விடுத்தனர். பார்க்கலாம் என்று கூறி தட்டிக் கழித்துவிட்டார். அப்போதே இடதுசாரிகள் புரிந்துகொண்டிருக்க வேண்டும். மாறாக சேர்ந்தே நின்றனர். வழக்கம் போல் தேர்தல் கூட்டணி இல்லை, தேர்தல் நேரத்தில் கூட்டணி பற்றி முடிவு செய்யப்படும் என்று கூறிவிட்டு ஜெயலலிதாவுடனான சந்திப்பை தொடர்ந்தனர்.

ஜெயலலிதாவின் காங்கிரஸ் ஆதரவு அறிக்கை ஜெயலலிதாவிடம் உள்ள முரண்பா ட்டை காட்டுகிறது என்பதைவிட இடதுசாரிகளிடம் உள்ள முரண்பாட்டையே காட்டுகிறது. இடதுசாரிகள் தனித்துவிட்டவர்கள் போல் உணர்கின்றனர். காங்கிரசோடு இருக்கும் திமுகவிடம் போக முடியாது. காங்கிரசிடம் கரம் நீட்ட தயாராக இருக்கும் ஜெயலலிதாவுடன் கரம் கோர்ப்பது அரசியல் தர்ம சங்கடத்தை ஏற்படுத்தும். அதிமுகவோ, திமுகவோ இல்லாமல் தேர்தலில் தனித்து நிற்க முடியுமா என்று கவலையில் உள்ளனர். து.ராஜா உள்ளிட்ட தலைவர்கள், அவரது நிலையை தெளிவுபடுத்த வேண்டும் என்கின்றனர்.

ஜெயலலிதாவின் நிலை காங்கிரஸ் - பாஜக எதிர்ப்பு நிலை இல்லை. நவதாராளவாத எதிர்ப்பு நிலை இல்லை. அமெரிக்க ஏகாதிபத்திய எதிர்ப்பு நிலை இல்லை. எனவே, காங்கிரஸ் - திமுக கூட்டணி எதிர்ப்பில் ஜெயலலிதா உறுதியான சக்தியாக ஒருக்காலும் இருக்க முடியாது. ஜெயலலிதா தனது நிலையை தெளிவுபடுத்திவிட்டார். இடதுசாரிகள்தான் தங்கள் நிலையை தெளிவாக்கிக் கொள்ள வேண்டும்.

2 ஏக்கர் நிலம், வீட்டு மனை, அதற்குப் பட்டா, வறுமைக் கோட்டுக்குக் கீழ் உள்ளோர் பட்டியலில் இணைக்கப்படுவது, உணவுப் பாதுகாப்பு, 200 நாட்கள் வேலை, ரூ.200 கூலி, விவசாயத் தொழிலாளர்க்கு அனைத்தும் தழுவிய சமூகப் பாதுகாப்பு சட்டம், கவுரவம் என தமிழக கிராமப் புறங்களில் ஒலிக்கும் குரலே நடைபெற்றுக் கொண்டிருக்கும் பொருளற்ற விவாதங்களை பின்தள்ளி முன்வர வேண்டும். முதலாளித்துவ ஆதரவு வளர்ச்சிப் பாதைக்கு மாற்றாக, மக்கள் ஆதரவு வளர்ச்சிப் பாதைக்கான போராட்டங் கள் முன்னெழ வேண்டும்.

அனைத்திந்திய விவசாய தொழிலாளர் சங்கம் தமிழக கிராமப்புற வறிய மக்கள் பிரச்சனைகளை முன்னிறுத்தி, உரிமைகளை வலியுறுத்தி நடத்தவுள்ள மாநாடு முழங்குகிறது:

உழைக்கும் மக்கள் போராட்டத்தைத் தீவிரப்படுத்துவோம்!

ஊழல், துரோக திமுக ஆட்சிக்கு முடிவு கட்டுவோம்!
மக்கள் பணத்தில் தனியார் கொழுக்க பார்த்திருக்கும் திமுக அரசு


மத்திய அரசின் திட்டங்களானாலும் மாநிலங்கள்தானே அமலாக்க வேண்டும்? எல்லா புகழும் இரண்டு அரசுகளுக்கும் என்கிறார் கருணாநிதி. காங்கிரசை இறுகப் பிடித்துக் கொள்ள வேண்டிய நிலைக்கு தள்ளப்பட்டிருப்பதால் குரல் தாழ்ந்துதான் இருக்கிறது.


108, உயிர் காக்கும் கருணாநிதி வாகனம் என்று விளம்பரப்படுத்தப்படுகிறது. இந்த விளம்பரங்கள் கருணாநிதி குடும்ப தொலைக்காட்சி குழும சேனல்களில் மட்டுமே வெளியிடப்படுகின்றன. சிரிப்பு டிவி, சிறுவர் டிவி, செய்தி டிவி, சினிமா டிவி, சீரியல் டிவி, பாட்டு டிவி என வகைவகையான சேனல்களுக்கு, கருணாநிதி குடும்பத்துக்கு மக்கள் பணத்திலிருந்து விளம் பரம் என்ற பெயரில் பெரும் தொகை மிகவும் நேராக ஒளிவுமறைவின்றி போகிறது.

நெல்லுக்குப் போகும் நீர் புல்லுக்குக் கசிவதுபோல், நோயுற்ற தமிழர்கள் சிலரும் பயன்பெற்றுவிட்டனர். முதலமைச்சர் உயிர்காக்கும் 108 ஆம்புலன்ஸ் திட்டத்தில் இது வரை 3,80,840 பேருக்கு உதவி யுள்ளதாகவும், ஆபத்தான நிலையில் இருந்த 17,000 உயிர்களைக் காப்பாற்றி உள்ளதாகவும் தமிழக அரசின் சுகாதார அமைச்சக கொள்கை அறிக்கை சொல்கிறது.

இதுவரை, மாநிலம் முழுதும் 2,100 பிரசவங்கள் இந்த அவசர சிகிச்சை வாகனங்களுக்குள்ளேயே, மருத்துவமனைக்கு செல்லும் முன்னரே நடந்துள்ளன என்று அதிகாரி ஒருவர் சொல்கிறார் (டெக்கான் கிரானிகிள், 28.10.2010).

பிரசவம் பார்க்கும் தகுதி பெற அய்ந்து ஆண்டுகள் மருத்துவப் படிப்பு, பின் ஓராண்டு பயிற்சி, பின் சிறப்புப் படிப்பு, அனுபவம் ஆகியவை வேண்டும்.

ஆனால் 108 வாகனங்களில் நடந்ததாகச் சொல்லப்படும் இந்த 2100 பிரசவங்களை பார்த்தவர்கள் 10 + 2 படித்தவர்கள். அதிகபட்சம் இளங்கலை பட்டம் பெற்றவர்கள். மருத்துவம் சார்ந்த கல்வி ஏதும் பெறாதவர்கள். வாகனத்தில் ஓட்டுநர், உதவியாளர் என்று பெரும்பாலும் ஆண்களே வருகின்றனர். இவர்கள் 45 நாட்கள் பயிற்சி பெற்றவர்கள் என்று அதே அதிகாரி சொல்கிறார்.

ஆறாண்டு கால படிப்பும் பயிற்சியும் பெற்றவர்களே சில நேரத்தில் குழம்பிவிடும் போது 45 நாட்கள் பயிற்சி பெற்றோர் கையில் தமிழக வறியவர்கள் உயிரை ஒப்படைப்பதுதான் தமிழக அரசின் உயிர் காக்கும் வாகனத்தின் பின்னுள்ள நடைமுறையா? இதைத்தான் பொறுப்பான அரசாங்கம் என்று தமிழக அரசின் சுகாதார அமைச்சக கொள்கை அறிக்கை சொல்லிக் கொள்கிறதா?

கருணாநிதி கைப்பணத்தில் இருந்து ஆம்புலன்ஸ் விட்டிருப்பதைப்போல் அரசு விளம்பரங்கள் காட்ட முற்படுகின்றன. அது அரசு - தனியார் பங்கேற்பில் 15 மாநிலங்களில் அமலாகிற மத்திய அரசின் திட்டம். தேசிய ஊரக மருத்துவ திட்ட நிதியுதவியுடன் தமிழ் நாட்டிலும் அமலாகிறது.

கலைஞர் உயிர் காக்கும் திட்டத்தில் ஸ்டார் ஹெல்த் நிறுவனம் கொழுப்பதுபோல், 108 திட்டத்தில் அய்தராபாதைச் சேர்ந்த எமர்ஜன்சி மேனேஜ்மென்ட் அண்டு ரிசர்ச் இன்ஸ்டிடியூட் என்ற தனியார் நிறுவனம் கொழுக்கிறது.

அரசுத் திட்டத்தில், அரசு செலவில் ஓடும் அவசர சிகிச்சை வாகனங்கள் மரணத்தின் விளிம்பில் இருப்பவர்களை தனியார் மருத்துவமனைகளுக்கும் எடுத்துச் செல்கின்றன.

விளம்பரங்களில் காட் டப்படுவது, அதிகாரிகள் சொல்வது ஆகியவற்றுக்கு அப்பால் 108 பற்றியும் திட்டத்தில் வேலைக்கு அமர்த்தப்பட்டிருப்பவர்கள் பற்றியும் விவரங்கள் கேட்டு குடிமக்கள் இதழியல் படைப்பாளிகள் கூட்டமைப்பை சேர்ந்தவர்கள் தகவல் அறியும் உரிமை சட்டத்தில் மனு செய்தனர். கிடைத்த விவரங்கள், திட்டத்தில் வேலை செய்யும் ஓட்டு நர்களும் முதலுதவிப் பணியாளர்களும் கொத்தடிமைகளாக உள்ளனர் என்கின்றன.

தமிழக தொழிலாளர்க்கு, தமிழக மக்களுக்கு தோழன் என்று சொல்லிக் கொள்ளும் கருணாநிதியின் ஆட்சியில் தனியார் - தன் குடும்ப நலன் காக்கவே எந்தத் திட்டமும் அமலாகிறது. இப்போது கருணாநிதி பலவீனமாக உள்ளார். உழைக்கும் மக்கள் போராட்டம் முன்னேறிச் செல்ல வேண்டும்.
நீங்கள் பூக்கள் அனைத்தையும் வெட்டிவிடலாம்!


ஆனால் வசந்தம் வருவதை உங்களால் தடுக்க முடியாது!!
 
ஆங் சூ கியை கடந்த 21 ஆண்டுகளில் 15 ஆண்டுகள் சிறையில் வைத்தது மியான்மர் ராணுவம். அவரும், அவர் கட்சியும் தேர்தலில் போட்டியிடுவதை தடுக்க, ஒரு சட்டம் போட்டது. தானே, தனக்காக, தன் தேர்தல் ஒன்றை நடத்தி வெற்றி பெற்று, பிறகு நவம்பர் 13 அன்று ஆங் சூ கியை விடுதலை செய்தது. மக்களை சந்தித்தார். நாம் இன்னும் உறுதியுடன், இன்னும் தீவிரமாக நமது போராட்டத்தை தொடர வேண்டும் என்றார்.


ஜனநாயக முறையில் தேர்தல் மூலம் தேர்ந்தெடுக்கப்பட்டதாக சொல்லும் மியான்மர் அரசாங்கம், ஆங் சூ கிக்கு முக்கியத்துவம் கொடுத்து அவர் விடுதலையான செய்தியை வெளியிட்ட 8 பத்திரிகைகளை தடை செய்தது. மியான்மர் நாடாளுமன்ற உறுப்பினர்கள் என்ன பேச வேண்டும், என்ன பேசக் கூடாது என்று விதிகள் போட்டிருக்கிறது. மட்டுமின்றி நாடாளுமன்ற வளாகத்துக்குள் போராட்டம் ஏதும் நடந்தால் இரண்டாண்டுகள் சிறை என்றும் சொல்லியுள்ளது. ராணுவத்தின் பூட்ஸ் சத்தம்தான் மக்கள் தேர்ந்தெடுத்ததாக சொல்லப்படும் ஆட்சியில் கேட்கின்றன. ஆங் சூ கி அந்த ஆட்சியின் இடைவிடாத கண்காணிப்பில்தான் இருக்கிறார்.

சூ கிதான் விடுதலை செய்யப்பட்டாரே தவிர, மியான்மரில் ஜனநாயகத்துக்காக போராடியதற்காக சிறை வைக்கப்பட்ட 2,002 அரசியல் கைதிகள் இன்னும் சிறையில்தான் இருக்கின்றனர் (ஜ்ஜ்ஜ்.ண்ம்ல்ஹஸ்ரீற்ய்ர்ற்ற்ண்ய்ஞ்ட்ஹம்.ஸ்ரீர்ம்).

தேர்தல் நடந்து, ஆங் சூ கி விடுதலை செய்யப்பட்டிருந்தாலும் ஜனநாயகம் இன்னும் மியான்மர் மக்களை தொட்டுப் பார்க்க வில்லை.

முதலாளித்துவ ஜனநாயகம், முதலாளித் துவ சர்வாதிகாரத்தின் முலாம் பூசப்பட்ட பெயரே. உலகின் மிகப் பெரிய ஜனநாயகங்களில் ஒன்று என்று தன்னை அழைத்துக் கொள்ளும் இந்திய அரசு இந்தியாவில் ஜனநாயக உணர்வு கொண்டவர்களை தேசத் துரோகிகள் என்கிறது. அருந்ததி ராய், ஜீலானி, வரவர ராவ் என காஷ்மீர் மக்களுக்கு ஆதரவாக பேசியவர்கள் மீது தேசத் துரோகம் செய்தார்கள் என்று குற்றம் சுமத்தி முதல் தகவல் அறிக்கை தந்துள்ளது.

இது பற்றி செய்தி அறிந்தவுடன் அருந்ததி சொன்னார்: ‘அவர்கள் ஜவஹர்லால் நேரு மீது கூட வழக்கு பதிவு செய்ய வேண்டும்’.

‘காஷ்மீர் இந்தியாவின் ஒருங்கிணைந்த ஒரு பகுதியாக எப்போதுமே இருந்ததில்லை. இது ஒரு வரலாற்று உண்மை. இந்தியா அரசாங்கமே இதை ஒப்புக்கொண்டுள்ளது’. இப்படிச் சொன்னதால், அருந்ததி தேசத் துரோகக் குற்றம் புரிந்தார் என்று இந்திய அரசு சொல்கிறது.

சட்டிஸ்கரில் மலைவாழ் மக்கள் உரிமை களுக்காக போராடியதற்காக மாவோயிஸ்ட் என்று குற்றம் சுமத்தப்பட்டு சிறையில் அடைக்கப்பட்டார் வினாயக் சென். உலகம் முழுவதும் எழுந்த எதிர்ப்புக்களுக்குப் பின்னரே விடுதலை செய்யப்பட்டார்.

ஊழல் ராசாக்கள் எல்லாம் சுதந்திரமாக உலா வரும் நாட்டில் ஜனநாயகம் விரும்புவோர் சிறை வாசத்தை எதிர்நோக்க வேண்டியுள்ளது.

ஈக்வடாரில் மக்கள் சார்பு பொருளாதார சீர்திருத்தங்களை அமலாக்கி வருகிறார் அதிபர் ரஃபேல் கோரியா. அவர் கொண்டு வந்த புதிய சட்டம் ஒன்று தமது வருமானத்தை பாதிப்பதாக எதிர்ப்பு தெரிவித்த காவல்துறை யினர் அவரை ராணுவ மருத்துவமனையில் சிறை வைத்த போது, பாப்லோ நெருடாவின் பிரபலமான வரிகளை நினைவு கூர்ந்தார்:

நீங்கள் பூக்கள் அனைத்தையும் வெட்டிவிடலாம்!

ஆனால் வசந்தம் வருவதை உங்களால் தடுக்க முடியாது!!
‘தமிழகத்தின் ஒரு குடும்பம் வாழ



மற்ற எல்லாக் குடும்பங்களும் துன்பப்பட வேண்டுமா?’

©¬dLôp ùRô¯Xô[o ÏÓmTj §Ú®Zô®u TpúYß ¨LrÜL°p JÚ Ød¡VUô] AeLm L[BnÜ. L[Bn®tLôL áPÛôo FWôh£«p Es[ 10 YôoÓLs úRokùRÓdLlThP]. JqùYôÚ Yôo¥Ûm Ïû\kRThNm 10 ùRô¯Xô[oLs Bn®p TeùLÓlTÕ G] Ø¥Ü ùNnVlThPÕ. 4BYÕ Yôo¥p SPkR Bn®u A¥lTûP«p Tϧ UdLs Yôr¨ûX ùRôPoTô] £X AmNeLs CeÏ RWlTÓ¡u\].


4ஆவது வார்டில் நடந்த ஆய்வில் 6 பேர் முதல் 13 பேர் வரை 5 நாட்கள் ஈடுபட்டனர். தோழர்கள் மு.ஜெயப்பிரகாஷ்நாராயணன் ஆர்.நாகராஜன் இந்தக் குழுவுக்கு தலைமை தாங்கினர்.


302 குடும்பங்கள் ஆய்விற்குட்படுத்தப் பட்டன. 1104 பேர் பற்றிய விவரங்கள் சேகரிக்கப்பட்டன. அவர்களில் 381 பேர் தொழிலாளர்கள்; 28 பேர் சுயதொழில் செய்பவர்கள்; 395 பேர் வீட்டில் குடும்பத்தை கவனித்துக் கொள்ளும் பெண்கள், வயதான வர்கள் மற்றும் குழந்தைகள்; 300 பேர் எல்கேஜி முதல் எம்பிஏ வரை படிக்கும் மாணவர்கள்.

தொழிலாளர்கள்: தொழிலாளர்களில் 292 பேர் அமைப்பாக்கப்பட்ட தொழிலாளர்கள். இவர்கள் பிரிக்கால் , எல்எம்டபுள்யூ, சால்ஜர், சர்வால், டெக்ஸ்மோ, சுபா பிளாஸ்டிக்ஸ், நுôற்பாலைகளில் வேலை செய்யக்கூடிய நிரந்தர மற்றும் மற்றும் தற்காலிக தொழிலாளர்கள். அரசு ஊழியர், சத்துணவு ஊழியர்கள், போக்குவரத்துக் கழகத்தில் வேலை செய்பவர்கள் என இவர்களில் நிரந்தர தொழிலாளர்கள் 184 பேர்.

தற்காலிக தொழிலாளர்கள் 108 பேர். இவர்களில் பலர் நுôற்பாலைகளில் நிரந்தரத் தொழிலாளர்களாக பணியாற்றியவர்கள். ஆலைகள் மூடப்பட்டதால், இப்போது தினக்கூலியாக வேறுவேறு ஆலைகளுக்கு சென்றுகொண்டு இருப்பவர்கள். பலர் எல்எம்டபுள்யூ போன்ற ஆலைகளில் ஒப்பந்த தொழிலாளர்களாக வேலை செய்பவர்கள். பிறர் வேறு சிறிய ஆலைகளில் சராசரி 150 முதல் 200 ரூபாய் தினக்கூலி பெறுபவர்கள். கட்டுமான தொழிலாளர்கள் உட்பட அமைப்புசாரா தொழிலாளர்கள் 89 பேர் பகுதியில் உள்ளனர்.

குடியிருப்பு: 302 குடும்பங்களில் 172 குடும்பங்கள் சொந்த வீடு வைத்துள்ளனர். வாடகை வீட்டில் குடியிருப்பவர்கள் 130 குடும்பங்கள். சொந்தவீடு உள்ளவர்களில் பலர் ரூ.1 லட்சம் முதல் ரூ.10 லட்சம் வரை கடன் வாங்கியுள்ளனர். வாடகை வீட்டில் குடியிருப்போர் குறைந்த பட்சம் 1000 முதல் 3000 ரூபாய் வாடகை கொடுக்க வேண்டியுள்ளது.

கடன்: 302 குடும்பங்களில் கடன் இல்லை என்று சொன்னவர்கள் 131 பேர். 5000 முதல் 50,000 ரூபாய் வரை கடன் உள்ளவர்கள் 28 பேர்; ரூ.50,000 முதல் ரூ.1,00,000 வரை கடன் உள்ளவர்கள் 35 பேர்; ரூ.1,00,000 முதல் ரூ.10,00,000 வரை 108 பேர்; ரூ.50,000த்திற்குக் கீழ் கடன் உள்ளவர்கள் பெரும்பாலும் தற்காலிக மற்றும் அமைப்புசாரா தொழிலாளர் கள். இவர்களில் சிலர், கந்துவட்டி கடனில் சிக்கியுள்ளனர்.

கட்டுமான வேலை செய்யும் பெண் தொழிலாளியிடம் கடன் எவ்வளவு என்று கேட்டபோது, அவர் கண்ணீர் வடித்துவிட்டார். அவர் கணவர் 6 மாதங்கள் முன் கடன் தொல்லை தாளாமல் தற்கொலை செய்து கொண்டார். அவர் வாகன ஓட்டுநராக இருந்தவர். ரூ.1 லட்சம் முதல் ரூ.10 லட்சம் வரை கடன் வாங்கியவர்கள் வீடு, திருமணம் ஆகிய செலவுகளுக்கு கடன்பட்டவர்கள். இவர்களில் ஒருசிலர் தனியாரிடம் வட்டிக்குக் கடன் வாங்கியிருந்தாலும் பெருமளவில் வங்கிக் கடனே அதிகம்.

மூடிய நுôற்பாலைகளில் வேலை செய்து கணக்கு முடிக்கப்பட்ட தொழிலாளர்கள் பலர் சொந்த வீடு கட்டியுள்ளனர். ஆனால், பெருமளவில் கடனில் சிக்கியுள்ளனர். சிலர் வீட்டை வாடகைக்கு விட்டு அதில் வரும் வருமானத்தைக் கொண்டு வாழ்கின்றனர். பலர் வீட்டை விற்றுவிட்டு வேறு இடத்திற்கு குடிபெயர்ந்துவிட்டனர்.

மருத்துவம்: ரூ.10,000க்கும் மேல் குடும்ப வருமானம் கொண்டவர்கள் தனியார் மருத்துவமனைகளை நம்பியுள்ளனர். மாதம் ரூ.500 முதல் ரூ.2000 வரை மருத்துவத்துக்கு செலவு செய்கின்றனர். அமைப்புசாரா தொழிலாளர்கள் அரசு மருத்துவமனை எல்லைக்குள் உள்ள மருத்துவ வசதிக்குள் நின்றுவிடுகிறார் கள். இஎஸ்அய் வசதியுள்ள தொழிலாளர்கள் கூட முதன்மையாக தனியார் மருத்துவ மனையை நம்பியுள்ளனர்.

நலவாரியமும் அமைப்புசாரா தொழிலாளரும்: இந்த வார்டில் அமைப்புசாரா தொழிலாளர்கள் குறைந்த எண்ணிக்கையில் சிதறலாக உள்ள னர். பெருமளவில் நலவாரியப் பயன்களை அறியாதவர்களாக உள்ளனர். நலவாரியம் பற்றி சொன்னபோது 22 பேர் நலவாரிய அட்டைகள் பெற்றுத்தருமாறு கோரியுள்ளனர்.

பொதுவிநியோகம்: உயர் வருமானம் உள்ள சிலரைத் தவிர மற்ற எல்லோரும் ரேசன் கடைகளில் அனைத்துப் பொருட்களையும் வாங்குகிறார்கள். 20 கிலோ அரிசி என்று கூறினாலும் ரேசன் கடையில் 10 முதல் 15 கிலோதான் வழங்கப்படுகிறது என்கிறார்கள். இந்த ஆய்வு எல்லைக்குள் ஒரு குடும்பம் மட்டும் 35 கிலோ அரிசிக்கான அட்டை வைத்திருக்கிறது. ரேசன் அரிசி தரம் பற்றிய மேலோங்கிய குரல், ‘தரமற்ற அரிசி’என்பதாக இருந்தது. அமைப்புசாராத் தொழிலாளர்கள் 20 கிலோ அரிசி போதாது என்கிறார்கள்.

எல்லா ரேசன் அட்டைகளுக்கும் இலவச அரசு தொலைக்காட்சி வழங்கப்பட்டுள்ளது. இலவச எரிவாயு அடுப்பு வழங்கப்படவில்லை. ரூ.50,00,000 மதிப்புள்ள வீடு உள்ளவருக்கும் இலவச டிவி வழங்கப்பட்டுள்ளது. மின் இணைப்பு இல்லாத குடிசையில் வாழ்பவருக்கும் இலவச டிவி வழங்கப்பட்டுள்ளது.

விலை உயர்வு: ஏறுகிற விலைவாசியில் எப்படி உங்கள் வருமானத்தில் வாழ்க்கை செலவை சமாளிக்கிறீர்கள் என்ற கேள்வி கேட்டவுடன், இதுவரை ஆம் அல்லது இல்லை என்ற பாணியில் சொன்னவர்கள் கூட அரசின் மீது கடும் கோபத்தை வெளிப்படுத்தினர்.

சரவணன் என்பவரைக் கேட்டபோது, ‘எழுதிக் கொள்ளுங்கள் என் பெயரை. ஒரு குடும்பம் வாழ மற்ற எல்லாக் குடும்பங்களும் துன்பப்பட வேண்டுமா? ஒரு குடும்பம் என்று நான் கருணாநிதி குடும்பத்தைத்தான் குறிப்பிடுகிறேன்’ என்றார். பலர், இப்படியே இருந்தால் வரும் தேர்தலில் வாக்களிக்கப் போவதில்லை என்றனர்.

அடிப்படை வசதிகள்: குடிநீர், சாக்கடை, சாலை வசதிகள், தெருவிளக்கு போன்ற விவரங்களைக் கேட்ட போது அரசிற்கு எதிராகவும் உள்ளாட்சித் துறை நிர்வாகத்திற்கெதிராகவும் கடுமையான அதிருப்தியை வெளிப்படுத்தினர்.

இங்கு பேரூராட்சி 15 நாட்களுக்கு ஒரு முறைதான் குடிநீர் வழங்குகிறது. 3 நாட்களுக்கு ஒருமுறை உப்பு தண்ணீர் கிடைக்கிறது. புதிய குழாய் இணைப்புகள் மறுக்கப்படுகின்றன. குடிநீர் இணைப்பு வசதி கிடைத்த சிலர் குடிநீரை சேமித்து வைக்க தொட்டி வசதி இருப்பதால் தப்பித்துள்ளனர்.

அந்த வசதியில்லாதவர்களுக்கும் பொதுக் குழாயை பயன்படுத்துபவர்களுக்கும் குடிநீர் என்பது படுதிண்டாட்டமே. பாதிக்கப்பட்டோர் வாழும் பகுதியில் தெருவிளக்குகளும் சாலை வசதிகளும் பாதிக்கப்பட்டுள்ளன.

இந்த அரசாங்கத்தை மாற்ற வேண்டுமா என்று கேட்டதற்கு மாற்றித்தான் ஆக வேண்டுமென்றனர். ஆய்வுக் குழுவினரை அவர்கள் துயரத்தை, சீற்றத்தை வெளிப்படுத்த கிடைத்த வாய்ப்பாகப் பார்த்தனர்; இவற்றை எல்லாம் கேட்க சிலர் உள்ளனர் என்று ஆறுதல் பெற்றனர்.

விலை உயர்வுக்கெதிரான கையெழுத்து இயக்கத்தைத் தொடர்ந்து நடந்த கள ஆய்வு மக்கள் மத்தியில் பிரிக்கால் தொழிலாளர் பற்றிய கூடுதல் பரிச்சயம் உருவாக்கியுள்ளது.

மக்கள் மாற்றத்திற்கு தயாராக இருக்கின்றனர். ஆய்வுக் குழுவினரும், மாற்று சக்தியாக மாற்றத்தின் நுழைவாயிலில் காலடி எடுத்து வைத்திருக்கின்றனர்.

(பிற வார்டுகளில் நடந்த ஆய்வு விவரங்க ளுடன் இறுதி அறிக்கை வெளியிடப்படும்)
தலையங்கம்

கருணாநிதி இனி ஆண்டவர்தான்!

கருணாநிதி ஆட்டம் கண்டுவிட்டார். சர்க்காரியா நாயகனுக்கு தன்னை கறையற்றவர் என்று காட்டிக் கொள்ள வேண்டிய அவசியம் வந்திருக்கிறது. ஸ்பெக்ட்ரம் கொள்ளையில் தனக்கு பங்கு இல்லை என்று சொன்னால் நம்ப யாருமில்லை என்று தெரிந்தாலும் ஒப்புக்காவது அப்படிச் சொல்ல வேண்டியிருக்கிறது. ஜெயலலிதா ஓயாமல் சொத்துக் கணக்கு கேட்கிறார். கருணாநிதியும் காட்டியுள்ளார்.


கோபாலபுரம் வீட்டைத் தவிர தனக்கு வேறு சொத்து ஏதும் இல்லை என்கிறார். (அதைக் கூட அவர் காலத்துக்கு, அவர் மனைவி காலத்துக்குப் பிறகு மருத்துவமனை கட்ட எழுதிக் கொடுத்துவிட்டார்). 75 திரைப்படங்களுக்கு கதை வசனம் எழுதி சம்பாதித்ததை எல்லாம் நல்ல காரியங்களுக்கு செலவிட்டுவிட்டதாகவும், சன் தொலைக் காட்சி பங்கு ரூ.100 கோடியில் வரி கட்டியது போக, பிள்ளைகளுக்கு பிரித்துக் கொடுத்தது போக, அறக்கட்டளைக்கு தந்தது போக, ரூ.5.65 கோடியும் இன்னுமொரு ரூ.35.90 லட்சமும் வங்கியில் வைத்துள்ளதாகவும் சொல்கிறார். (கலைஞர் தொலைக்காட்சி குழுமம் யாருடையது?)

நல்ல கதை. நல்ல வசனங்கள். நம்புபவர் நம்புவர்.

எப்படியாயினும் அவர் வாழ்க்கை நடத்த முதலமைச்சராக மாதாமாதம் பெறும் ஊதியம் போக வங்கி வட்டியாகவே பெரும்தொகை கிடைக்கும். அவர் சொல்லியுள்ள சொத்துக் கணக்குப்படி, மாதம் கிட்டத்தட்ட ரூ.40,000 வட்டி மட்டும் வரும். அவருக்கும் அவரது மனைவிக்கும் உணவு, மருத்துவம், இன்ன பிற.... இது போதும்.

இப்படியிருக்க என்ன கணக்கில் விவசாய தொழிலாளர் ஓய்வூதியம் ரூ.500 என்று அறிவித்தார்? இதற்கு தினத்தந்தி தலையங்கம் கருணாநிதிக்கு பாராட்டு பத்திரம் வாசித்திருப்பதாக முரசொலி சொல்கிறது. சொல்லேர் உழவர், நெல்லேர் உழவருக்கு தருவதாகச் சொன்ன ரூ.500ல், மாதம் ரூ.20 கொடுத்து ரேசன் கடையில் 20 கிலோ அரிசி வாங்கி, இலவச எரிவாயு அடுப்பில் சமைத்து சாப்பிட்டு, இலவச வண்ணத் தொலைக் காட்சியை கண்டு களித்து, உடல் நலமின்றி போனால் கலைஞர் காப்பீட்டுத் திட்டத்தில் இலவச சிகிச்சை பெற்று, மீதியை விருப்பம் போல் செலவு செய்து பெருவாழ்வு வாழலாம் என்கிறது.

இந்தக் கணக்கு ஒருவருக்கு சொல்லப்படுவது இல்லை. ஒரு குடும்பத்துக்கு சொல்லப்படுவது. தமிழக கிராமப்புறத்தில் ஒரு குடும்பமே ரூ.500ல் வாழ வேண்டும் என்கிறாரா கருணாநிதி? சொத்துக் கணக்கு காட்டியதுபோல், ஒருநாள் செலவுக் கணக்கும் காட்டினால் தமிழக கிராமப்புற வறியவர்கள் அந்த ரூ.500அய் எப்படி செலவு செய்ய வேண்டும் என்று வழிகாட்டியதாக இருக்காதா?

மத்திய ஊரக வளர்ச்சி அமைச்சகம் தமிழ்நாட்டின் வறியவர் பற்றி ஒரு கணக்கு தருகிறது. தமிழ்நாட்டில் 36 லட்சத்து 32 ஆயிரத்து 119 குடும்பங்கள் வறுமைக் கோட்டுக்கு கீழ் உள்ளன என்று அதன் 2002 வருடத்திய கணக்கீடு சொல்கிறது.

இந்த 36,32,119 குடும்பங்களில் 28,65,777 குடும்பங்கள் தற்காலிக வேலைகளை நம்பி வாழ்க்கை நடத்துகின்றன.

இவற்றில் 7,21,706 குடும்பங்களின் மாத வருமானம் ரூ.250க்கும் குறைவு. 14,10,008 குடும்பங்களின் மாத வருமானம் ரூ.250 முதல் ரூ.499. 12,14,304 குடும்பங்களின் மாத வருமானம் ரூ.500 முதல் ரூ.1499. மொத்தத்தில் 35,32,935 குடும்பங்களின் மாத வருமானம் ரூ.2500க்கும் குறைவு.

2010ல் இந்தக் கணக்கில் பெரிய மாற்றம் இருக்கப் போவதில்லை. நிலைமை தீவிரமடைந்திருக்குமே தவிர, மேம்பட்டிருக்க வாய்ப்பில்லை. தமிழகத்தின் பெரும் பகுதி வறுமையில் உழல்கிறது.

கருணாநிதியோ வாக்குறுதிகள் தந்து தமிழ் மக்கள் வாக்குகளை வாங்கி வெற்றி பெற்று தமிழக மக்களுக்கு துரோகம் மட்டும் இழைத்து தம் மக்களுக்கு மட்டும் பதவி, பொருள் அனைத்தையும் சேர்த்து.... இப்போது விஞ்ஞான ஊழல் வெளிப்பட்டுவிட, அரசியல் சாணக்கியம் பேசவும் விசயம் இல்லாமல் போக வெலவெலத்துப் போகிறார். யாரிடம் போய் மீண்டும் வாக்குகள் கேட்பார்? டாடாவிடமோ, அம்பானியிடமோ கேட்டு என்ன பயன்? கம்யூனிஸ்ட் கட்சியில் இருந்தால்தான் கம்யூனிஸ்டா? நானும் கம்யூனிஸ்ட் என்று மீண்டும் சொல்லிப் பார்க்கிறார். எடுபடவில்லை.

வேலூர் கூட்டம் தெம்பளிக்கும் என்று பார்த்தார். அங்கும் அவருக்கு ஜெகத்ரட்சகன் வடிவத்தில் தொல்லையே வரவேற்றது. தமிழக மக்கள் கருணாநிதியை ஆண்டவராக பார்க்கிறார்கள் என்றார். இருக்கிற தாக்குதல் கள் போதாதென்று புதிதாக ஒன்றா? ‘கடவுள் மறுப்பு பேசிய பெரியாரின் சீடன் நான், என்னை ஆண்டவர் என்று அழைக்காதீர்கள், ஆள்பவர் என்று அழையுங்கள்’ என்றார்.

ஆண்டவர் என்பது கடவுளைக் குறிக்கும் சொல் என்பதைக் காட்டிலும் அது இறந்த காலத்தை குறிப்பதே கருணாநிதிக்கு முதன்மை பிரச்சனையாக இருந்திருக்கும். பெரியாரின் கொள்கைகளை என்றோ புதைத்து விட்டவர் அவர். ஜெயலலிதாவின் காங்கிரஸ் ஆதரவு அறிவிப்பு அவரை உலுக்கியபோது, அது சாணக்கியம் என்று பேசப்பட்டபோது, கருணாநிதி சொன்னார்: ‘ஜெயலலிதா சொன்னதை பிரம்மாஸ்திரம் என்கிறார்கள். ராஜ தந்திரம் என்கிறார்கள். உண்மையில் அவர்கள் மோகனாஸ்திரத்தில் மயங்கிக் கிடக்கிறார்கள்’.

பெண்ணடிமைத் தனத்தை, பெண்ணடிமைக் கருத்துக்களை தீவிரமாக எதிர்த்தவர் பெரியார். குறைந்தபட்ச அரசியல் நாகரிகம் கூட இல்லாமல், ஜெயலலிதாவை, அவர் முன் வைக்கும் குற்றச்சாட்டுக்களை அரசியல்ரீதியாக எதிர்கொள்ள திராணியில்லாமல், அவரை பெண் என்ற தளத்தில் நிறுத்தி நிலப்பிரபுத்துவ கழிசடை கருத்து கொண்டு வீழ்த்திவிடலாம் என்று மூன்றாம்தர முயற்சி எடுக்கும் ஒருவர் எப்படி பெரியாரின் சீடராக இருக்க முடியும்?

கருணாநிதியைப் போலவே வலுவிழந்து வருகிற மருத்துவர் ராமதாசும் கருணாநிதிக்கு தூதுக்கு மேல் தூது விடுகிறார். இந்த முறை தானே நேரில் சந்திக்காமல் சாதிவாரி கணக்கெடுப்புக்கு வலியுறுத்தும் சாக்கில் ஜி.கே.மணியை சந்திக்கச் செய்து உடல்நலம் விசாரித்திருக்கிறார். அடித்துக் கொண்டிருக்கும் அரசியல் புயலில் கருணாநிதிக்கு உடல்நலம் பாதிக்கப்பட்டிருக்கும் என்று ராமதாஸ் எதிர்ப்பார்க்க எல்லா நியாயங்களும் உண்டு. முத்தமிழ் அறிஞர் பதில் சொன்னார்: ‘நான் உடம்பைப் பார்த்துக் கொள்கிறேன். நீங்கள் உறவைப் பார்த்துக் கொள்ளுங்கள்’. மிகச்சரியான வேண்டுகோள். பாமக - திமுக உறவை பாமக பார்த்துக் கொண்டால், கருணாநிதிக்கு ஓரளவாவது நம்பிக்கை வரும் என்று இரு தரப்பிலும் எதிர்ப்பார்ப்பு இருக்கலாம்.

ஆனால், முழுக்க முழுக்க மக்கள் பிரச்சனைகளை புறந்தள்ளிய ஓர் அரசு, வாக்குறுதிகள் அனைத்தையும் நிறைவேற்ற மறுத்த ஓர் அரசு, மக்கள் போராட்டங்களை ஒடுக்க மட்டுமே முன்வந்த ஓர் அரசு, மக்கள் திட்டங்களில் கொள்ளையடிப்பதை பரவலாக்கி இருக்கும் ஓர் அரசு, என்னதான் கூட்டணி அமைத்தாலும் மக்கள் சீற்றத்தின் முன் தாக்குப் பிடிக்க முடியாது.

கருணாநிதியே அடுத்த முறையும் முதல்வராவார் என்று ஸ்டாலின் எல்லா கூட்டங்களிலும் சொல்லி வருகிறார். ஆனால், கருணாநிதியை தமிழக மக்கள் இனி எப்போதும் ஆண்டவராகவே வைத்திருப்பார்கள்.

Monday, November 8, 2010

யாருடைய தோழர்? யாருடைய தொண்டர்?

கருணாநிதி ரொம்பவே கவலைப்படுகிறார். மீண்டும் ஆரியராட்சி வராமல் இருக்க ஒற்றுமையாய் இருக்குமாறு கட்சிக் கூட்டங்களில் உருக்கமாய் பேசுகிறார். ஜெயலலிதாவுக்கு கூடும் கூட்டங்களை வைத்து தேர்தல் வெற்றி தோல்விகளை கணிக்க முடியாது என்கிறார்.


கலைஞருக்கு நாடகங்கள் என்றால் சலிக்கவே சலிக்காது. கலைஞரின் கதை வசனத்தில், கலைஞர் தயாரிப்பில், கட்டுமான தொழிலாளர் நலவாரிய தலைவர் பொன் குமார் இயக்கத்தில், சென்னையில் அக்டோபர் 30 அன்று கட்டுமானத் தொழிலாளர், அமைப்புசாரா தொழிலாளர் நடத்திய நன்றி அறிவிப்பு மாநாடு என்ற நாடகம் நடத்தப்பட்டது. கட்டாயமாய் நாடகம் காண அமைப்புசாரா தொழிலாளர்களை திரட்டி வரும் பணி தொழிலாளர் துறை அதிகாரிகளுக்குத் தரப்பட்டது.

உருக்கமான, உணர்ச்சிமயமான நடிப்பால் காண்போரை, கேட்போரை, ‘மெய்’ மறக்கச் செய்ய முயற்சித்தபோது முத்தமிழ் அறிஞர் நடிப்பின் சிகரங்களை தொட்டுவிட்டார். 33 நல வாரியங்களில் உள்ள 2 கோடியே 9 லட்சத்து 89 ஆயிரம் உறுப்பினர்களின் வாக்குகள் தன்னை விட்டு வெகுதூரம் போய்விட்டதே என்ற கவலையில் எப்படியாவது அவற்றைப் பிடிக்க முடியுமா என இந்த நாடகத்தை நடத்தி உள்ளார்.

தேர்ந்த அனுபவம் வாய்ந்த நடிகர் என்பதால், அவைக் கூச்சமின்றி தமிழ்நாட்டு உழைக்கும் மக்களிடம் நான் உங்கள் தோழன், உங்கள் தொண்டன், உங்கள் உறவினன், உங்கள் உடன்பிறப்பு என்ற வசனங்களை தடுமாறாமல் பேசினார். வசனம் நன்றாகத்தான் பேசுவோம், இருந்தாலும் எடுபடுமா என்பதற்காக, ராஜராஜ சோழ மகாராஜா வேஷத்தை கழட்டி வைத்துவிட்டு, சாமான்யர் வேஷம் கட்டினார்.

‘நான் ஒன்றும் பிறக்கும்போதே வாயில் தங்கக் கரண்டியோடு பிறந்தவன் அல்ல; வைர மாலை, முத்து மாலையை கழுத்திலே அணிந்துகொண்டு பிறந்தவன் அல்ல; நான் சீமான் வீட்டுப் பிள்ளை அல்ல; பணக்கார வீட்டுத் தாழ்வாரத்தில் தவழ்ந்தவன் அல்ல; சாதாரண மனிதன். என்னுடைய தந்தையும் தாயும் திருக்குவளை கிராமத்தில், எங்களுடைய வீட்டைச் சுற்றியுள்ள நிலபுலங்களிலே நடவு நட்டு, உழுது, பயிரிட்டு, களை எடுத்து, நெல்லை உருவாக்கி, அறுவடை செய்து அப்படிச் சாப்பிட்டவர்கள்தான். அப்படி வாழ்ந்தவர்கள்தான் என் தாயும் தந்தையும்.’

இது நிச்சயம் உண்மைதான். அவரே சொன்னபடி, அது பிறக்கும்போது இருந்த கதை. இன்றைய நிலை என்ன? கருணாநிதி குடும்பம் தமிழ்நாட்டின் மிகப்பெரிய பெரும்தொழில் குழுமக் குடும்பம். அவர்கள் மட்டும் தமது உண்மையான சொத்துக் கணக்கைக் காட்ட முன்வந்தால், பில் கேட்சும், அம்பானியும் பயந்துபோய் விடுவார்கள். பில் கேட்சும், அம்பானியும் பயப்படும் எதையும் கருணாநிதி கனவிலும் நினைக்க மாட்டார்.

திடீரென விவசாயத் தொழிலாளர், வறிய விவசாயி உள்ளிட்ட பல்வகைப்பட்ட அமைப்புசாரா தொழிலாளர்களிடம், உங்கள் தோழன், உங்கள் தொண்டன் என்று ஏன் பேசுகிறார்? கும்பிடும் கைகள் விஷம் தோய்ந்த குறுவாளை மறைக்கப் பார்க்கின்றன.

27.5 லட்சம் குடும்பங்களில் 26 லட்சம் குடும்பங்கள் எங்கே 2 ஏக்கர் நிலம் என்று கேட்கின்றன. தவணை முறையில் தருவதாகச் சொல்லும் கான்கிரீட் கூண்டு இருக்கட்டும், எங்கே 5 சென்ட் வீட்டுமனைப் பட்டா என்று நகர்ப்புற, நாட்டுப்புற வறியவர்கள் கேட்கிறார்கள்.

2006ல் இருந்து இது வரை, 19 லட்சத்து 42 ஆயிரத்து 575 அமைப்புசாரா தொழிலாளர் குடும்பங்களுக்கு 909 கோடியே 40 லட்சத்து 98 ஆயிரத்து 845 ரூபாய் நலத்திட்ட நிதி வழங்கப்பட்டதாக மார்தட்டுகிறார். 20 லட்சம் பேருக்கு தலைக் கணக்கு சராசரி பார்த்தால் ஆளுக்கு ரூ.4,545. 2 கோடி வாரிய உறுப்பினர்களில் 20 லட்சம் பேர் மட்டும் நலநிதி பெற்றுள்ளனர். மீதி 180 லட்சம் பேருக்கு ஏதும் இல்லை. ஆளுக்கு ரூ.4,545 கிடைத்தால், தமிழ்நாட்டின் கோடிக்கணக்கான மக்களின் நிலம், வீட்டுமனைப் பட்டா, வேலை, கூலி பிரச்சனைகள் தீர்த்துவிடுமா? விலைஉயர்வால் தமிழக மக்களுக்கு பாதிப்பு இல்லை என்று தயங்காமல் சொல்லும் முதல்வர், நலநிதிப் பயன்களை அரசு வழங்கியதால், உழைப்பாளியின் தோழனாக, தொண்டனாக மாறிவிட முடியுமா?

தொழிலாளர் அமைச்சர் அன்பரசன், கம்யூனிஸ்டுகள் ஊரில் நடமாட முடியாது, கூட்டம் நடத்த முடியாது என வன்முறைக்கு தூபம் போடுவது, திடீரென நிகழ்ந்துவிட்டதா? டாஸ்மாக் தொழிலாளியும் சத்துணவு ஊழியரும் கருணாநிதியின் இரும்புக் கரத்தால் தாக்கப்பட்டனர். என்எல்சி ஒப்பந்தத் தொழிலாளர் எழுச்சியின் முதுகில் குத்தியது தொமுச. நோக்கியா, ஃபாக்ஸ்கானில் முதலாளிகளுக்கு ஆதரவாக, நயவஞ்சகமாக தொமுச நுழைக்கப்பட்டுள்ளது.

தமிழகத்தின் காவல்துறை தலைவர், தொழிலாளர்கள் மூலமே இடதுசாரி தீவிரவாதம் ஊடுருவுவதாகச் சொல்கிறார். பிரிக்கால் தொழிலாளி போராட்டத்தை, இடதுசாரி தீவிரவாதம், மார்க்சியம் - லெனினியம் பரப்புதல், என்றெல்லாம் சொல்லியும் கொலை வழக்கு போட்டும் முடக்கப் பார்த்தவர்கள், வேறென்ன சொல்வார்கள்? சிஅய்டியுவின் பொதுச் செயலாளருக்கு கைவிலங்கு போட்ட தமிழக அரசு, இடதுசாரி என்றாலே மாவோயிஸ்ட் என்று கூட மிரட்டிப் பார்த்தது. காவல்துறை தலைவர், தொழிலாளர் அமைச்சர் இருவரும் கோவையில் இருந்து இருங்காட்டுக்கோட்டை வரை எழுகிற தொழிலாளர் போராட்டங்கள் கண்டு அஞ்சுகின்றனர்.

முன்னாள் காவல்துறை கூடுதல் துணைக் கண்காணிப்பாளர் தோட்டத்தில் கஞ்சாப் பயிர்கள். முன்னாள் சட்டமன்ற உறுப்பினர் வழிப்பறிக் கொள்ளை மோசடி மன்னர். வீரபாண்டி ஆறுமுகத்தின் சகோதரர் மகன், கோடிக்கணக்கான சொத்துக்களை வளைத்துப்போட, முன்னாள் காவல்துறை ஆய்வாளரையும் சேர்த்து 6 பேரை கொடூரமாகக் கொன்ற வழக்கில் சிக்கியுள்ளார். ஸ்பெக்ட்ரம் ஊழல் ராஜா இன்னும் அமைச்சராக தொடர்வது எப்படி என்று உச்சநீதிமன்றம் கேட்கிறது.

முதல்வர், மூத்த அதிகாரிகளைக் கூட்டி, மணல் கொள்ளையர் போன்ற சமூக விரோதிகளைக் குண்டர் சட்டத்தில் உள்ளே தள்ளுங்கள் எனச் சொன்னதாக செய்தி வந்தது. காவல்துறையினர் கரை வேட்டிகள் போல் செயல்படாமல், சட்டப்படி கொஞ்சம் நடந்துகொள்ளப் பார்த்தால், கழகத்தின் முதல் வரிசையில் பலர் கம்பி எண்ணிக் கொண்டிருக்க மாட்டார்களா? அமைச்சர் அன்பரசன் மேல் வன்முறையைத் தூண்டும் வழக்கு பதிவாகி இருக்குமே? பிரச்சனை இடதுசாரி தீவிரவாதமல்ல. உண்மையான பிரச்சனை வலதுசாரி பயங்கரவாதமே. முதலாளித்துவ பயங்கரவாதமே.

தண்ணீர் இல்லாத தமிழகத்தால் தமிழ்மக்கள் கண்ணீர் சிந்துகிறார்கள். திருநெல்வேலி தொகுதிக்குள் மட்டும் 40,000 ஏக்கர் விளைநிலத்தில், 4,600 ஏக்கர் நிலம் ரியல் எஸ்டேட் (நிலவர்த்தக) நிலமாகிவிட்டது. வள்ளியூர் சுற்றுவட்டாரத்தில் மட்டும் 3000 நிலத்தரகர்கள் உள்ளனர். தமிழக நகர்மயமும் தொழில்மயமும் முதலாளித்துவ வளர்ச்சிப் பாதையும், விவசாயத்தையும் உழைக்கும் விவசாயிகள், விவசாயத் தொழிலாளர்கள் வாழ்க்கையையும் வேகவேகமாக நாசமாக்கிக் கொண்டிருக்கின்றன. முன்னேறிப் பாயும் மூலதனத்திற்கு ராஜபாட்டை போட்டுத் தருகிறது திமுக அரசு. தமிழக கிராமப்புறங்களில் 25 வயதுக்குக் குறைவான இளைஞர்கள் விவசாயத்தை நம்பிப் பயனில்லை என வெளியேறுகின்றனர். விவசாயக் கூலிகளில் ஏகப்பெரும்பான்மையினர் பெண்களே. விவசாய நெருக்கடி, மூலதனம் சுரண்ட மலிவான கூலி அடிமைகளைத் தாராளமாகத் தருகிறது.

எல்லா துறைகளிலும் அரங்கங்களிலும் சூறையாடல். எங்கெங்கும் கொள்ளை. கல்வியும் மருத்துவமும் சாமான்யர்க்கு இல்லை. மூலதன விசுவாசம் கொடிகட்டிப் பறக்கிறது. கருணாநிதி முதலாளிகளின், பணக்காரர்களின் தோழர். மூலதனத்தின் தொண்டர். மக்கள் மனதில் பசுமரத்தாணி போல் பதிந்துவரும் இந்த உண்மையை கருணாநிதி ஏற்பாடு செய்த நாடகம் மறைத்துவிடாது.

பல்வேறு குற்றவியல் வழக்குகளை சந்திக்கின்ற, ஆணும்பெண்ணுமாய் பல நாட்கள் சிறையில் இருந்த பிரிக்கால் தொழிலாளர்களின், மே தினத்தில் சிறை வைக்கப்பட்ட ஹ÷ண்டாய் தொழிலாளர்களின் தோழராக கருணாநிதி மாற முடியுமா? விரைவாகக் கட்டி முடி, பாதுகாப்பு ஒரு பொருட்டல்ல என விரட்டப்பட்டதால் சட்டமன்ற உறுப்பினர் விடுதி வளாகத்தில் கட்டுமானப் பணிகளில், புதிய சட்டமன்ற கட்டுமானப் பணிகளில் 31.10.2010 வரை செத்து மடிந்த பல கட்டுமான தொழிலாளர்களின் தோழனாக, மனிதக் கழிவகற்றும் பணியில் மனிதர்களை ஈடுபடுத்தக் கூடாது என்ற உயர்நீதிமன்றத் தீர்ப்பு மீறப்படுவதால் தொடர்ந்து செத்து மடியும் மனிதக் கழிவகற்றும் தொழிலாளர்களின் தோழனாக, எந்திரத்தைக் காட்டிலும் தொழிலாளியின் உயிர் பெரிதல்ல எனக் கருதி விபத்தில் சிக்கிய பெண் தொழிலாளியின் உயிரைக் காக்கத் தவறியதாக நோக்கியாவில் குற்றச்சாட்டு எழுந்துள்ளதே, அந்த நோக்கியா தொழிலாளியின் தோழனாக கருணாநிதி ஒருபோதும் மாற முடியாது.

ராஜராஜ சோழன் காலத்தில் இருந்து கருணாநிதி வரையிலான ஆட்சியாளர்கள் பற்றி அவர்கள் சொல்வார்கள்:

சொல்வோம்.

ஆயிரம் ஆண்டுகளாக அழுகை

மொழி மாற்றிக் கொண்டதில்லை;

ஆத்திரமும் கூடத்தான்.

கண்ணீர் -

நிறம் மாற்றிக் கொண்டதில்லை;

ரத்தமும் கூடத்தான்.

தமிழகத்தின் திமுக கூட்டணி, அஇஅதிமுக கூட்டணி என்ற இருதுருவ அரசியல் ஆபத்தானது. ஜெயலலிதாதான் கருணாநிதிக்கு அரசியல் மறுவாழ்வு கொடுத்தார். அவர் ஆட்சியை சகிக்க முடியாத மக்கள், கருணாநிதிக்கு வாய்ப்பு தந்தனர். அரிசி, வண்ணத் தொலைக்காட்சிப் பெட்டி, இடைத் தேர்தல்கள் வரை வந்தன.

இன்று வாக்களித்த மக்களுக்கு துரோகம் செய்து, வசதி படைத்தவர்களுக்கு வாரித்தரும், அள்ளிச்சுருட்ட வாய்ப்பு தரும் கருணாநிதி, ஜெயலலிதாவுக்கு அரசியல் சாப விமோசனம் தரப் பார்க்கிறார். ஜெயலலிதா துல்லியமான கணக்குப் போட்டு வெற்றிக் கூட்டணி அமைப்பேன் என பேசி வருகிறார்.

திமுக அரசின் தொழிலாளர் விரோத நடவடிக்கை எதிர்ப்பு இடதுசாரி கூட்டங்களில் அதிமுகவினர், அடுத்து அம்மா ஆட்சிதான், நாங்கள் பார்த்துக் கொள்கிறோம் என்று பேசி வருகின்றனர். கருணாநிதி பார்த்துக் கொண்டதை ஜெயலலிதா பார்த்துக் கொள்வார்! வேறு என்ற நடக்கும் தோழர்களே?

இந்த இருதுருவ அரசியல், முதலாளித்துவ வளர்ச்சிப் பாதை, தமிழக மக்களை பேராபத்துக்கு மட்டுமே இட்டுச் செல்லும்.

தமிழகத்திற்கு, மக்கள் வலிமையை போராட்டங்களை அடிப்படையாகக் கொண்ட சுதந்திரமான இடதுசாரி அரசியலும், மக்கள் சார்பு வளர்ச்சிப் பாதையும், அவசர, அவசியத் தேவையாகிவிட்டன. வாய்ப்பு கிடைக்கும் போதெல்லாம், தமிழக உழைக்கும் மக்கள் மாற்றுப் பாதையில் போராட்டப் பாதையில் பயணம் செய்ய தாங்கள் தயார் என்று நிரூபிக்கிறார்கள். இடதுசாரி, ஜனநாயக, முற்போக்கு சக்திகள் மக்கள் விருப்பங்களை நிறைவேற்றத் தயாராக வேண்டும்.

அயோத்யா தீர்ப்பும் திமுகவின் நயவஞ்சகமும்

மதச்சார்பற்ற முற்போக்கு சக்திகள், அயோத்யா தீர்ப்பு மீண்டும் ஒரு முறை பாப்ரி மசூதியையும் மதச்சார்பின்மை யையும் தகர்த்துவிட்டது என்கின்றனர். சாட்சியங்கள், சான்றுகள் அடிப்படையில் இல்லாமல், இந்துக்களின் நம்பிக்கையின் அடிப்படையில் மசூதி இடிக்கப்பட்ட இடத்தை ராமன் பிறந்த இடம் என்று நீதிமன்றம் குறிப்பிட்டது தவறு என்கின்றனர்.


ஜெயலலிதா தீர்ப்பை வரவேற்றார். அவர் மசூதி இடிப்பிற்கு முன்னோட்டமான கரசேவையை ஆதரித்தவர்.

ஆர்யத்துக்கு எதிரான திராவிடப் போராளி, மதச்சார் பின்மை தளபதி கருணாநிதியின் கட்சி என்ன சொல்கிறது?

மசூதி இடிக்கப்பட்ட இடத்தில் கோயில் கட்ட, சங் பரிவார், கையெழுத்து வாங்கியபோது திமுகவின் கன்னியாகுமரி நாடாளுமன்ற உறுப்பினர், வரவேற்று உபசரித்து மகிழ்ச்சியோடு புகைப்படம் எடுத்துக்கொண்டு கையெழுத்து போடுகிறார்.

பின்னர், விவகாரம் பெரிதான பிறகு, சங் பரிவார் வழங்கிய ஆவணங்களைப் பெற்றுக் கொண்டதற்குத்தான் கையொப்ப மிட்டேன் என பல்டி அடித்தார். சரி. இவராவது புதியவர். முதுபெரும் தலைவர் என்ன செய்தார்?

முரசொலியில் உடன்பிறப்புக்கு கடிதம் எழுதும்போது, திரேதா யுக ராமன் பிறந்த இடம் தெரிகிறது, கி.பி. 1000க்குப் பின் வாழ்ந்து மறைந்த ராஜராஜ சோழன் சமாதி தெரியவில்லையே என எழுதுகிறார். இந்துத்துவாவிடமும் பிரச்சனை வரக்கூடாது; இசுலாமியரையும் ஏமாற்றலாம்.

லயோலா கல்லூரியில் 29.10.2010 அன்று கருணாநிதி பேசியதாக முரசொலி செய்தி வெளியிடுகிறது:

‘பொதுவாக இந்தியத் திருநாட்டில் மதநல்லிணக்கம் தேவை என்பதற்காக, மத வேறுபாடுகள் களைந்த மனித நேயம் தேவை என்பதற்காக பாடுபடுபவர்கள் நாங்கள். அதை நீங்கள் அறிவீர்கள்.’

‘அது திருவரங்கத்திலே கட்டப்பட்டிருக்கும் கோயில் ஆனாலும், அல்லது அயோத்தியில் கட்டப்பட வேண்டிய ராமர் ஆலயம் ஆனாலும், இவைகளுக்கெல்லாம் சரித்திரத்திலே சில வேர்கள் இருக்கின்றன. ஆனால், சரித்திரம் என்றைக்கும் மாற முடியாத, மாற்ற முடியாத ஒன்று.’

கருணாநிதி என்னதான் சொல்கிறார் என்று புரிகிறதா? மசூதி இடிக்கப்பட்டது மாற முடியாத, மாற்ற முடியாத வரலாறு, அயோத்தியில் ராமர் ஆலயம் கட்டப்பட வேண்டியது மாற முடியாத, மாற்ற முடியாத வரலாறு என்கிறாரா? நேரடியாக, துணிச்சலாக கருணாநிதி தம் கருத்தைச் சொல்வாரா?

ஆணாதிக்கக் கருத்துக்களைப் பரப்பும் உச்சநீதிமன்ற தீர்ப்பு

உச்சநீதிமன்றத்தில், சில தினங்கள் முன்னால், நீதிபதிகள் மார்க்கண்டேய கட்ஜø மற்றும் தாகீர் முன்பு, மத்திய அரசின் கூடுதல் சொலிசிட்டர் ஜெனரல் இந்திரா ஜெய்சிங் குமுறினார். 26.10.2006 முதல் அமலுக்கு வந்த குடும்ப வன்முறைச் சட்டத்தை வடிவமைப்பதில் பெரும் பங்காற்றியவர் இந்திரா ஜெய்சிங். தாம் ஒரு ஜீவனாம்ச வழக்கில் வழங்கிய தீர்ப்பு பற்றி நீதிபதி மார்க்கண்டேய கட்ஜø இந்திரா ஜெய்சிங்கிடம் கருத்து கேட்டார்.


நீதிபதிகள் விக்கிபீடியா, கூகுள் ஆகியவற்றுள் நுழைந்து ஒரு வழக்கில் தீர்ப்பளித்தனர். உயர்நீதிமன்ற நீதிபதிகள் நம்பிக்கைகள் அடிப்படையில் தீர்ப்பு தரும்போது, உலகமயக் காலங்களில், உச்சநீதிமன்ற நீதிபதிகள், விக்கிபீடியாவையும் கூகுளையும் கூப்பிட்டுக் கொள்கிறார்கள்.

பச்சையம்மாள் என்ற பெண்ணுக்கு வேலுசாமி என்பவர் மாதம் ரூ.500 ஜீவனாம்சம் தரவேண்டும் என்ற கோவை நீதிமன்றத் தீர்ப்பை சென்னை உயர்நீதிமன்றம் உறுதி செய்தது. வேலுசாமி உச்சநீதிமன்றம் சென்றார். நீதிபதிகள் தமது தீர்ப்பின் பாரா 33ல் பின்வருமாறு எழுதினார்:

‘எங்கள் கருத்துப்படி, திருமண இயல்பில் உள்ள ஓர் உறவும், பொதுச் சட்ட திருமணம் போன்றதே. முறைப்படி திருமணம் செய்து கொள்ளாவிட்டாலும், பொதுச்சட்ட திருமணத்திற்கும் பின்வருவன தேவை:

அ) அந்த இருவரும் தம்மை சமூகத்தின் பார்வையில் தம்பதிகளாகக் காட்டி இருக்க வேண்டும்.

ஆ) அவர்கள் திருமணத்திற்குத் தகுதியான வயது வந்தவர்களாக இருக்க வேண்டும்.

இ) திருமணம் ஆகாவிட்டாலும், மற்றபடி திருமண உறவில் நுழையத் தகுதி பெற்றிருக்க வேண்டும்.

ஈ) அவர்கள் சுயவிருப்பத்தில் உறவு கொண்டு இருக்க வேண்டும். ஒரு கணிசமான காலத்திற்கு தம்பதியினராய் சமூகத்தின் கவனத்திற்குத் தம்மை வெளிப்படுத்தி இருக்க வேண்டும்.

(காண்க: பொதுச் சட்டத் திருமணம் பற்றி விக்கிபீடியா, கூகுள்)

எமது கருத்தில் 2005 சட்டப்படியான திருமணத்தின் இயல்பு கொண்ட ஓர் உறவு என்பது மேலே சொன்ன தேவைகளை நிறைவு செய்திருக்க வேண்டும். மேற்படி சட்டத்தின் பிரிவு 2(எஸ்) படி, ஓரே வீட்டில் பங்கு கொண்டு வாழ்ந்திருக்க வேண்டும்.’

நாடாளுமன்றம் சேர்ந்து வாழும் உறவு என்று சொல்லாமல், திருமணத்தை ஒத்த உறவு என்று சொல்லி உள்ளதால், சேர்ந்து வாழும் உறவில் உள்ள பல பெண்களை எங்கள் கருத்து பயன் பெறுவதில் இருந்து விலக்கத்தான் செய்யும் என்று குறிப்பிட்டார்கள்.

உச்சநீதிமன்ற நீதிபதிகள் அல்லவா? அதனால் மேலே சொன்னதையும் தாண்டிச் சென்று எழுதினார்கள்.

‘வார விடுமுறைகளில் சேர்ந்திருப்பதோ, ஓரிரவு உறவுகளோ, குடும்ப உறவுகளாகாது.’

‘ஒரு மனிதனுக்கு ஒரு வைப்பு இருந்தால் அந்த வைப்பை அவன் பணம் தந்து பராமரித்தால், அவன் பாலியல் தேவைக்கு மற்றும் அல்லது ஒரு வேலையாளாக அந்த வைப்பை உபயோகித்தால் அந்த உறவு எம் கருத்துப்படி, திருமணத்தை ஒத்த உறவல்ல.’

குதிரை குப்புறத் தள்ளியது. குழியும் பறித்தது.

‘வைப்பு’, ‘ஓரிரவு உறவு’ இவை உச்சநீதிமன்ற நீதிபதிகள் பயன்படுத்தும் மொழி. ஒரு நீதிபதி ஆறுதலாக, வைப்பாட்டி என்று சொன்னால் பரவாயில்லையா என வேறு கேட்கிறார். இந்திரா ஜெய்சிங் தீர்ப்பின் மொழியை மட்டும் அல்லாமல் தீர்ப்பு முடிவின் அடிப்படையையும் (ரேஷியோ) சரியாகவே கேள்விக்குள்ளாக்குகிறார். 21ஆம் நூற்றாண்டில் ஒரு பெண்ணை வைப்பு என எப்படி அழைக்கலாம்? இந்த அமர்வம் முன்பு நான் இனி வரமாட்டேன். உச்சநீதிமன்றத் தீர்ப்பு காலக் கடிகாரத்தைப் பின்னோக்கிச் சுழற்றுகிறது. இந்திரா ஜெய்சிங்கின் சீற்றம் நியாயமானது. பத்மாபட் என்ற வழக்கறிஞர் சொல்கிறார். ‘வைப்பு போன்ற வார்த்தைகள் ஒரு பாலுக்கு மட்டுமே பயன்படுத்தப்படுகின்றன. அவற்றைப் பயன்படுத்தக் கூடாது. காகிதத்தில், நம்மிடம் முற்போக்கு சட்டங்கள் உள்ளன. ஆனால் யதார்த்த நடைமுறையில் எல்லாமே வேறுதான். ஏட்டில் உள்ளபடி நடக்கத் தயாரில்லை. அந்தப் பொருளில் நாம் பழைய கற்காலங்களில்தான் வாழ்கிறோம்.’

குடும்ப வன்முறைச் சட்டம் - நோக்கம் என்ன ஆனது?

21ஆம் நூற்றாண்டு, பெண்கள் அதிகாரம் பெறுதல் என்ற தம்பட்டங்களை அடித்துக் கொண்டு, அய்முகூ அரசு குடும்ப வன்முறைச் சட்டம் கொண்டு வந்தது. திருமணம் செய்து கொள்ளாமலே பெண்களோடு சேர்ந்து வாழ்கிற ஆண்களின் வன்முறையையும் சட்டம் கட்டுப்படுத்தும் என்று சொல்லப்பட்டது. திருமணம் போன்றதொரு உறவு பற்றிய உறவு பற்றிப் பேசிய சட்டம், விக்கிபீடியா, கூகுள் விளக்கங்களைக் காணவில்லை. அப்படி எந்த விதிவிலக்குகளையும் சேர்க்கவில்லை. கூகுளும் விக்கிபீடியாவும், இந்திய நாடாளுமன்றத்தை இந்திய உச்சநீதிமன்றத்தை வழிநடத்துமா? சட்டப்படியான திருமணமா இல்லை என்றெல்லாம் பார்த்து, ஆணோடு பெண் சேர்ந்து வாழ இந்தியாவில் வாய்ப்பு உண்டா? தெரிவு செய்து உறவு கொள்ளும் சுதந்திரம் பெண்களுக்கு உண்டா? பாதிக்கப்பட்ட பெண்களுக்கு நிவாரணம் என்ற கண்ணோட்டம் காணாமல் போய், புனிதமான குடும்ப உறவுக்குக் களங்கமா என்ற கேள்வியே மேலேழுந்துள்ளது.

கீறிப்பார் - ஆணாதிக்கம் தெரியும்

தோழர் லெனின் கம்யூனிஸ்ட்களுக்கு எச்சரிக்கை விடுத்தார்:

‘ஒரு கம்யூனிஸ்டைக் (ஆணை) கீறிப் பாருங்கள். நீங்கள் ஓர் அற்பவாதியைக் காணலாம். கூருணர்வுக்குரிய இடத்தைச் கீறிப்பார்த்தால், பெண்கள் பற்றிய அவர்கள் மனோபாவத்தை அறிந்து கொள்ளலாம்’. சமூகத்தின் முன்னணி வர்க்கம் பாட்டாளி வர்க்கம். அந்தப் பாட்டாளி வர்க்கத்தின் முன்னணிப் படை கம்யூனிஸ்ட் கட்சி. கம்யூனிஸ்ட் கட்சி தோழர்களே, ஆணாதிக்க ஆபத்துக்குப் பலியாகிறார்கள். நம் உச்சநீதிமன்ற நீதிபதிகள் எம்மாத்திரம்? ஆனால் சகிக்க முடியாத அளவுக்கு ஊருக்கு உபதேசம் செய்பவர்கள், எவ்வளவு பழமைக் குப்பைகளைச் சுமக்கிறார்கள்?

‘பெண் ஏன் அடிமையானாள்?’ என்ற பிரசுரத்தின் 10ஆவது அத்தியாத்திற்கு பெரியார், ‘பெண் விடுதலைக்கு ஆண்மை அழிய வேண்டும்’ எனத் தலைப்பிட்டு எழுதுகிறார். ‘ஆண்மை எனும் பதமே (சொல்லே) பெண்களை இழிவுபடுத்தும் வகையில் உலக வழக்கில் உபயோகப்படுத்தப்பட்டு வருகிறது என்பதைப் பெண்கள் மறந்து விடக்கூடாது. அந்த ஆண்மை உலகில் உள்ள வரையிலும் பெண்களுக்கு மதிப்பு இல்லை என்பதைப் பெணகள் ஞாபகத்தில் கொள்ள வேண்டும். உலகத்தில் ஆண்மை நீடிக்கும் வரையில் பெண்கள் அடிமையும் வளர்ந்தே வரும். பெண்களால் ஆண்மை என்ற தத்துவம் அழிக்கப்பட்டால் ஒழிய, பெண்களுக்கு விடுதலை இல்லை என்பது உறுதி.’ (கழங்களுக்கும் பெரியாருக்கும் எந்தத் தொடர்பும் கிடையாது, இருக்க முடியாது என்பதற்கு இந்த ஒரு மேற்கோளே சான்று கூறும்)

பெரியாரின் அறச் சீற்றம் தாண்டி

மார்க்சீயப் பேராசான் எங்கல்ஸ், குடும்பம், தனிச்சொத்து, அரசு ஆகியவற்றின் தோற்றம் நூலில், ஒருதார மணக் குடும்பம் பிறந்து வளர்ந்த கதையை விளக்குகிறார். ‘ஒற்றைத் தனி நபர், அதுவும் ஓர் ஆண் கைகளில் கணிசமான செல்வம் குவிந்ததிலிருந்து, வேறு யாருக்கும் இல்லாமல் அந்த ஆணின் குழந்தைகளுக்கு அந்தச் செல்வத்தை விட்டுச் செல்லும் தேûயிலிருந்து ஒரு தார மணமுறை தோன்றியது.’

புராதன பொது உடைமை போய், தனிச் சொத்து பிறந்தவுடன், புனிதமான ஒரு தார மணக் குடும்பமும், அரசும் பிறந்தன.

புனிதத் குடும்பத்தின் புனித ஒரு தார மணமுறையின் எதிர்காலம்

எங்கல்ஸ் சொல்வதையே பார்ப்போம்.

‘ஆனால் உற்பத்தி சக்திகள் என்ற நிலையான, சுவீகரித்துவிடக் கூடிய செல்வத்தின் பெரும்பகுதியை சமூக சொத்தாக மாற்றுவதன் மூலம், விட்டுச்செல்வது, சுவீகரிப்பது ஆகியவை பற்றிய கலக்கங்களை எதிர்வருகிற சமூகப்புரட்சி குறைந்தபட்சமானதாக்கிவிடும்; உற்பத்தி சக்தியை சமூக சொத்தாக மாற்றும்போது, அதனுடன் கூடவே கூலியுழைப்பு, பாட்டாளி வர்க்கம், அவற்றுடன், ஒரு நிச்சயமான எண்ணிக்கையிலான பெண்களுக்கு பணத்துக்காக சரணடைய வேண்டியிருக்கிற தேவையும் மறைந்து போகும். பாலியல் தொழில் மறைந்து போகும்; ஒருதார மணமுறை வீழ்ந்துவிடுவதற்கு பதிலாக, இறுதியில் - ஆண்களுக்கும் கூட - ஒரு யதார்த்தமாகிவிடும்... ஒற்றை குடும்பம் சமூகத்தின் பொருளாதார அலகாக இனியும் தொடராது. தனிப்பட்ட வீட்டு பராமரிப்பு ஒரு சமூக தொழிலாக மாறிவிடும். குழந்தை பராமரிப்பும் கல்வியும் பொது விவகாரம் ஆகி விடுகின்றன. எல்லா குழந்தைகளையும் - அவர்கள் மண உறவில் பிறந்தவர்களானாலும் சரி, மண உறவுக்கு வெளியே பிறந்தவர்களானாலும் சரி, சமூகம் சமமாக கவனித்துக் கொள்கிறது. எனவே, ‘விளைவுகள்’ பற்றிய கவலை - இதுவே பெண் தான் காதலிக்கிற ஒருவனுக்கு தன்னை சுதந்திரமாகக் கொடுப்பதை தடுக்கிற தார்மீக பொருளாதாரரீதியான மிகவும் முக்கியமான சமூகக் காரணியாகும் - இது மறைந்துவிடும்.’

இந்த பாதகமான அம்சங்கள் போக்கப்பட்டுவிடும். நல்லது. ‘ஆனால் என்ன சேர்க்கப்படும்? ஒரு புதிய தலைமுறை வளர்ச்சியடைந்த பிறகு அது முடிவு கட்டப்படும். அந்தத் தலைமுறையைச் சேர்ந்த ஆண்களுக்கு பணத்தைக் கொண்டு அல்லது சமூகரீதியான இதர அதிகார சாதனங்களைக் கொண்டு ஒரு பெண்ணை இணங்கச் செய்யும்படி தம் வாழ்க்கையில் என்னென்றைக்குமே நேராது; பெண்கள் உண்மை காதலுக்காக மட்டுமின்றி வேறெந்த நோக்கத்துக்காகவும் எந்த ஆணுக்கும் என்றைக்குமே இணங்க மாட்டார்கள். அல்லது பொருளாதார விளைவுகளைப் பற்றி அஞ்சி தம்முடைய காதலனுக்கு தம்மை கொடுப்பதற்கு தயங்க வேண்டிய நிலை அவர்களுக்கு ஏற்படாது. அப்படிப்பட்ட மக்கள் தோன்றியவுடனேயே அவர்கள் என்ன செய்ய வேண்டும் என்று இன்று நாம் நினைக்கிறோமோ அதை சிறிதும் பொருட்படுத்த மாட்டார்கள். அவர்கள் ஒவ்வொரு நபருடைய நடைமுறையை ஒட்டி தமது சொந்த நடைமுறையையும் அதற்குப் பொருத்தமான தமது சொந்த பொதுக் கருத்தையும் நிலை நாட்டுவார்கள். விசயம் அத்துடன் முடிந்துவிடும்.’

விபச்சாரி, விதவை, வைப்பு, வைப்பாட்டி, கற்பு என தம் செம்மொழி, ஒரு பாலுக்கு மறு பால் சொல் இல்லாமல் இருக்கிறது. இது ஏதோ யதேச்சையாய் நேர்ந்ததல்ல. பேயரசு செய்தால் பிணம் தின்னும் சாத்திரங்கள். தனிச் சொத்தும் ஆணாதிக்கமும் பிரிக்க முடியாதவை. இருபாலரும் இணைந்து இரட்டை நுகத்தடியை உடைக்க வேண்டியதை நோக்கி, கனம் கோர்ட்டார் நம்மைச் சிந்திக்கத் தூண்டுகின்றனர்.

தமிழ்நாட்டில் பள்ளிக் கல்வி

கோவிந்தா... கோவிந்தா... கோவிந்தா...


அன்று கீழ்சாதியைச் சேர்ந்தவர்களுக்கு ஒரு கல்வி, மேல் சாதியைச் சேர்ந்தவர்களுக்கு வேறு கல்வி என்று இருந்தது. இன்று காசுள்ளவர்களுக்கு ஒரு கல்வி, காசில்லாதவர்களுக்கு வேறு கல்வி, அல்லது கல்வி இல்லை என்றுள்ளது. உலகமயமும் தனியார்மயமும் வருணாசிரம தர்மத்தை பாதுகாக்கின்றன. பள்ளியில் உள்ள கழிப்பிடங்களை தலித் மாணவர்களை கொண்டு சுத்தம் செய்வது தமிழ்நாட்டில் நடக்கிறது.

பார்ப்பனிய எதிர்ப்பு, பகுத்தறிவு வளர்ப்பு என தீவிரமான ஜனநாயக இயக்கங்களுக்கு, முற்போக்கு விழுமியங்களுக்கு தமிழக மக்கள் சொந்தக்காரர்கள். இன்று கல்வியில் பிரிவினை, வேறுபாடு, மேல் கீழ் ஆகியவற்றுக்கு தமிழக ஆட்சியாளர்கள் வழிவகுத்துவிட்டார்கள்.

அன்று சாதியால் தாழ்ந்ததால் கல்விச்சாலைக்கு வெளியே சில மாணவர்கள் நிறுத்தப்பட்டார்கள். இன்று பள்ளி நிர்ணயித்த கட்டணத்தை செலுத்தவில்லை என்று சில மாணவர்கள் வெளியே நிறுத்தப்படுகிறார்கள்.

தமிழக அரசின் தவறான கல்விக் கொள்கையின் விளைவை அந்தப் பிஞ்சுகள் தலையிலும் நெஞ்சிலும் சுமக்கின்றன.

இலவச பஸ் பாஸ், இலவச புத்தகங்கள் என்று ஏமாற்றப் பார்த்தார் கருணாநிதி. அவர் சற்றும் எதிர்பாராத வகையில் தமிழகமெங்கும் பெற்றோர்கள் போராட்டங்கள் நடத்துகிறார்கள். பள்ளிகளை முற்றுகையிடுகிறார்கள்.

கும்பகோணத்தில் எரிந்து போன குழந்தைகள் கூட தனியார் கல்வி என்ற கொள்கையில் எந்த மாற்றமும் கொண்டு வரவில்லை. அடுத்தடுத்து தொடர்ச்சியாக நடந்த பள்ளி மாணவர்கள் வாகன விபத்துக்களில் உயிரிழந்த குழந்தைகளும் அவர்களுடன் உயிரிழந்த சில கனவுகளும் கூட ஆட்சியாளர்களை மாற்றவில்லை.

முளையிலேயே கிள்ளி எறியப்படாததால் இன்று அந்த விஷ விதை விருட்சமாக மாறியுள்ளது. தருமபுரியில் பள்ளி வாகன விபத்தில் பள்ளிக்குள்ளேயே ஒரு மாணவர் இறந்து போகிறார்கள். சீற்றமடைந்த மக்கள் பள்ளியை சூறையாடுகிறார்கள். வழக்கம் போல் மக்கள் கைது செய்யப்படுகிறார்கள். ஆனால் பள்ளி நிர்வாகம், அனைத்து தனியார் பள்ளி நிர்வாகங்களின் அமைப்பொன்றின் மூலம் தனியார் பள்ளிகளுக்கு பாதுகாப்பு கேட்கிறது. பாதிக்கப்பட்டவர்க்கு சிறை, பாதிப்புக்குக் காரணமானவர்களுக்கு பாதுகாப்பு. இது உலகமய நியாயம்.

இன்று இன்னும் ஒரு படி மேலே போய் தனியார் பள்ளி நிர்வாகங்கள் எல்லாம் சேர்ந்து தமக்கு விருப்பமான கட்டணத்தை வசூலிக்க உரிமை கேட்கின்றன. கருணாநிதியும் அவர்கள் கவலை கணக்கில் எடுத்துக்கொள்ளப்படும் என்றும், அவர்கள் முறையிடலாம் என்றும் சொல்லிவிட்டார்.

சோழனின் பேரன் சொல்லிவிட்ட பிறகு யாருக்காக அஞ்ச வேண்டும்? தான் நிர்ணயித்த கட்டணத்தை கட்டாத மாணவர்களை வெளியே நிறுத்தி அவமானப்படுத்தி மகிழ்கின்றன தனியார் பள்ளி நிர்வாகங்கள். சென்னையின் தனியார் பள்ளி ஒன்று அநியாயக் கட்டணத்தை எதிர்த்துப் போராடிய பெற்றோர்கள் மீது காவல்நிலையத்தில் புகார் கொடுத்தது.

நீதிமன்றம் கூட முதல் சுற்றில் தனியார் பள்ளிகளுக்கு ஆதரவாகவே இருந்தது.

பள்ளி மாணவர்கள் அவமானப்படுகிறார்கள். பெற்றோர்கள் அவர்களைப் பார்த்து துடித்துப் போகிறார்கள். இந்த அவமானமும் துன்பமும்தான் கருணாநிதி நடத்தும் நல்லாட்சி! தமிழகத்தின் வளர்ச்சி!

தனியார் பள்ளிக் கல்வி கட்டணங்களை முறைப்படுத்த புறப்பட்ட திமுக அரசு ஜ÷லை 16 அன்று தமிழ்நாடு பள்ளிகள் (கட்டண வசூல் முறைப்படுத்துதல்) மசோதா 2009 கொண்டு வந்து, ஜ÷லை 21 அன்று சட்டமன்றத்தில் நிறைவேற்றி, ஆகஸ்ட் 7 அன்று அறிவித்தது. சட்டத்தின் விதிகள் டிசம்பர் 7 அன்று வெளியாயின.

சட்டம் சொன்னதுபடி நீதிபதி கோவிந்தராஜன் தலைமையில் தனியார் பள்ளிகள் கட்டண நிர்ணய கமிட்டி, 10934 தனியார் பள்ளிகளுக்கு கட்டணம் நிர்ணயிக்க 2009 டிசம்பரில் அமைக்கப்பட்டது.

10233 அரசு உதவி பெறாத பள்ளிகளுக்கான கட்டணங்கள் வெளியிடப்பட்டன. 701 பள்ளிகள் குழுவின் கேள்வித்தாளுக்கு பதில் தரவில்லை.

சட்டமும் கமிட்டியும் தனியார் பள்ளிகள் இருப்பதை, இயங்குவதை, தொடர்வதை அங்கீகரிக்கின்றன. தங்களுக்கு விருப்பமான கட்டணத்தை நிர்ணயிக்கும் அவற்றின் உரிமையை அங்கீகரிக்கின்றன. இந்த எல்லைகளுக்குள்தான் கோவிந்தராஜன் குழு கட்டணங்கள் வெளியிடப்பட்டன.

துரதிர்ஷ்டவசமாக, மத்திய அரசு திட்டத்தில் கல்விக் கட்டணம் எதுவும் வசூலிக்காத கேந்திரிய வித்யாலயா பள்ளிகளுக்குக் கூட கோவிந்தராஜன் குழு கட்டணம் நிர்ணயித்திருக்கிறது. இந்தப் பள்ளிகளில் 8ஆம் வகுப்பு வரை கட்டணம் ஏதும் வசூல் செய்வதில்லை. பெண் மாணவர்களுக்கும் அட்டவணை சாதியினர் மற்றும் அட்டவணை பழங்குடியினர்க்கும் 12ஆம் வகுப்பு வரை எந்தக் கட்டணமும் வசூல் செய்வதில்லை என்று அவற்றின் கல்வி அதிகாரி சொல்கிறார்.

அந்தந்த பள்ளியில் உள்ள உள்கட்டுமான வசதிகளை, வேறு பல வசதிகளை கணக்கில் எடுத்துக்கொண்டு அவற்றுக்கேற்ப கட்டணம் நிர்ணயிக்கப்பட்டதாக கோவிந்தராஜன் குழு சொல்கிறது.

குழுவின் எழுத்துபூர்வமான அனுமதியின்றி கூடுதல் கட்டணம் வசூல் செய்யக் கூடாது என்று குழு சொன்னால் அனுமதி பெறுவது தனியார் கல்வி நிறுவனங்களுக்கு தமிழ்நாட்டில் ஒரு விசயமா?

6,400 பள்ளிகள் கட்டண உயர்வுக்காக மனு கொடுத்துள்ளன.

சில பள்ளிகளை அனுமதிக்கலாம் என்று கோவிந்தராஜன் 21.10.10 அன்று சொன்னார். (டெக்கான் கிரானிக்கிள்).

கூடுதல் கட்டணத்தை எதிர்த்து போராட்டங்கள் எழுந்தன. இந்த நிலை தொடர்ந்தால் 1 கோடி மாணவர்கள், 1 லட்சத்துக்கும் மேற்பட்ட ஆசிரியர்கள் மற்றும் ஊழியர்கள் - இவர்கள் பாதிக்கப்படுவார்கள் என்று தனியார் பள்ளி நிர்வாகங்கள் என்று கவலைப்படுகின்றன. வேறு வார்த்தைகளில் சொல்வதென்றால், மிரட்டுகின்றன.

குழு நிர்ணயிக்கப்பட்ட கட்டணம் என்ன என்று பொது மக்களுக்கு தெரியப்படுத்தவே திமுக அரசுக்கு மக்கள் போராட்டங்கள் நிர்ப்பந்தம் தர வேண்டியிருந்தது. துவக்கத்தில் தலைமை கல்வி அதிகாரி அலுவலகத்தில் கூட விவரங்கள் கிடைக்கவில்லை. நேராக பள்ளிகளுக்கு அனுப்பிவிட்டதாக சொன்னார்கள்.

கோவிந்தராஜன் குழு நிர்ணயித்த கட்டணத்தை அமலாக்க நீதிமன்ற தடைக்கு எதிராக பெற்றோர் நடத்திய போராட்டங்களைப் பார்த்து, முதலில் கண்டுகொள்ளாமல் இருந்த திமுக அரசு வேறு வழியின்றி நீதிமன்ற தடை பெற்றது.

இந்தத் தீர்ப்பும் குழு நிர்ணயித்த கட்டணத்துக்கு மேல் வசூல் செய்யப்பட்ட கட்டணம் இருப்பாக கணக்கில் கொள்ளப்பட வேண்டும் என்றும், பள்ளியின் மீதான புகார் நிரூபிக்கப்பட்டு தண்டனை வழங்கப்பட்டால் திருப்பித் தர வேண்டும் என்றும் சொல்கிறது. ஆக, இப்போதைக்கு கூடுதல் கட்டணம் செலுத்தியவர்களுக்கு கோவிந்தாதான்.

முறையீடு செய்த பள்ளிகளிடம் நேரில் கருத்து கேட்டு தனிப்பட்ட ஆணைகள் வழங்கப்பட வேண்டும் என்று இந்த தீர்ப்பு சொன்னது. 6,400 பள்ளிகள், 4 மாத கால அவகாசம். என்ன செய்வது? கோவிந்தராஜன் பதவி விலகிவிட்டார்.

தனியார் பள்ளிகளில் தங்கள் குழந்தைகளை சேர்த்துவிட்டு ஏனிப்படி பெற்றோர் துன்பப்பட வேண்டும்? சென்ற ஆண்டு கல்லூரிகளில் கட்டணக் கொள்ளை நடந்தபோது பெற்றோர்கள் பேராசைக்காரர்கள் என்றார்கள்.

தங்கள் குழந்தைகள் மேலான கல்வி பெற வேண்டும் என்று பெற்றோர்கள் ஏன் பேராசைப்படக் கூடாது?

அரசுப் பள்ளிகளிலும் கல்லூரிகளிலும் போதுமான, தேவையான உள்கட்டுமான வசதிகளும், கல்வியில் தரமும் இருந்துவிட்டால் பெற்றோர் ஏன் அவற்றை தேடி வேறு இடங்களில் அலைய வேண்டும்?

கல்வி மொத்தமும் அரசின் கைகளிலேயே இருந்துவிட்டால், கல்வியில் தனியாருக்கு இடம் என்றால் பெற்றோர் ஏன் வேறு இடம் செல்ல வேண்டும்?

தனியார் கல்வி நிறுவனங்கள் வளர அரசு பள்ளிகளை, கல்லூரிகளை தாழ்ந்த தரத்தில் வைத்திருப்பது அரசின் அறிவிக்கப்படாத கொள்கையாக இருக்கும்போது பெற்றோருக்கு வேறு போக்கிடம்தான் எது?

தனியார் பள்ளிகளில் 40 - 50 மாணவர்களுக்கு ஓர் ஆசிரியர் என்றால், அரசுப் பள்ளிகளில் 100 மாணவர்களுக்கு ஓர் ஆசிரியர் என்பதுதானே நிலைமை?

தமிழ்நாடு அரசு தரும் விவரங்கள்படி இப்போது மாநிலத்தில் மொத்தம் 53,500 பள்ளிகள், நான்கரை லட்சம் ஆசிரியர்கள், 1 கோடியே 40 லட்சம் மாணவர்கள் உள்ளனர். இவர்களில் 40 லட்சம் மாணவர்கள் 10,934 தனியார் பள்ளிகளில் படிக்கின்றனர்.

2005 - 2006ல் 8,964 என்றிருந்த தனியார் பள்ளிகளின் எண்ணிக்கை 2010ல் 10,934ஆக உயர பெற்றோரின் பேராசையா காரணம்? சென்ற ஆண்டு பெய்த மழையில் திருவள்ளூர் மாவட்டத்தின் பல பள்ளிகள் தண்ணீரில் மூழ்கின. அடுத்த இரண்டு மூன்று மாதங்களுக்கு தண்ணீர் தேங்கி நின்ற பள்ளிகளில்தான் அந்தக் குழந்தைகள் படித்தன. பாம்புகள் அவ்வப்போது வகுப்பறைக்குள் வந்து சென்றன. தங்கள் குழந்தைகள் உயிருடன் இருக்க வேண்டும் என்று வறிய பெற்றோர்கள் நினைப்பது பேராசையா?

இப்போது பிரச்சனை அதன் எல்லைகளை கடந்த பிறகும் தும்பை விட்டு வாலைத்தானே அரசு பிடிக்கிறது?

தடைக்கு தடை வழங்கிய தீர்ப்பும் கூடுதல் கட்டணம் வசூலிக்கும் பள்ளியின் அங்கீகாரம் ரத்து செய்யப்படும் என்றுதான் சொல்கிறது. கருணாநிதி வேடிக்கைப் பார்க்கிறார். அந்தப் பள்ளிகளை அரசு ஏற்று நடத்தும் என்று சொல்ல நீதிபதிக்கோ கருணாநிதிக்கோ துணிச்சல் இல்லை.

பிரச்சனைக்கு தீர்வு தனியார் பள்ளி கல்வி கட்டணங்களை மாற்றி அமைப்பதில் இல்லை. கல்வி பற்றிய கொள்கையை மாற்றி அமைப்பதில் உள்ளது. சுதந்திரம் அடைந்து 63 ஆண்டுகளுக்குப் பிறகு அனைவருக்கும் கல்வி, அதற்கு சட்டம் என்று கபில் சிபலும், சமச்சீர் கல்வி என்று கருணாநிதியும் மாறிமாறி அறிக்கை விடுகின்றனர்.

தனியார் கைகளில் கல்வி, தனியார் கொள்ளைக்கு கல்வி ஆகியவற்றுக்கு அரணாக நின்றுகொண்டு அனைவருக்கும் கல்வி, சமச்சீர் கல்வி என்று பேசுவது பொருளற்றது. நடைமுறைக்கு ஒவ்வாதது.

அரசு, தனியார் கைகளில் இருந்து கல்வியை விடுவித்து, டாஸ்மாக் நடத்துவதற்கு பதிலாக கல்வி நிறுவனங்களை நடத்த வேண்டும். கழகங்களும் காங்கிரசும் இதைச் செய்யப் போவதில்லை.

எப்படியாயினும் இன்றைய நிலைமைகளில் தரப்படும் கல்வி முதலாளித்துவத்துக்கு விசுவாசமாக இருந்து, அதற்கு கட்டுப்பட்டு, அதன் எல்லைகளுக்குள் சுருங்கி நின்று, அதன் உற்பத்தியை உறுதிப்படுத்தி, லாபத்தை மேலும் மேலும் பெருக்கி, அதை வளர்ப்பதற்கேயன்றி வேறல்ல.

முதலாளித்துவம் தனது அடிமைகளுக்கு உண்டி கொடுக்கக்கூட தகுதியில்லாமல் போய்விட்டது என்று கம்யூனிஸ்ட் கட்சி அறிக்கையில் மார்க்ஸ் சொன்னார். உண்டி கூட தர முடியாத முதலாளித்துவம் கல்வியா தரப்போகிறது?

முதலாளித்துவம் தனது சவக்குழியை தோண்டுபவர்களை தானே உருவாக்குகிறது என்றும் கம்யூனிஸ்ட் கட்சி அறிக்கையில் மார்க்ஸ் சொன்னார். கருணாநிதி ஆட்சி தனது சவக்குழியை தானே தோண்டிக் கொண்டிருக்கிறது. கல்வி தனியார்மயத்தால் பாதிக்கப்பட்ட பெற்றோர்கள் அதற்கு உதவுகிறார்கள்.

மக்களை ஏமாற்றும் போட்டியில் அய்முகூ அரசும் ஆலோசனைக் குழுவும்

கருணாநிதி 2011 சட்டமன்ற தேர்தல்களுக்கு தயாராகிறார் என்றால், சோனியா காந்தி 2014 நாடாளுமன்ற தேர்தல்களுக்கு தயாராகிறார். அவர் தலைமையிலான தேசிய ஆலோசனைக் குழு உணவுப் பாதுகாப்பு பற்றி தந்துள்ள முன்வைப்புக்களின் பின் இருக்கும் செய்தி இதுதான்.


தேசிய உணவுப் பாதுகாப்பு சட்டம் பற்றி விவாதித்த மத்திய அமைச்சர்கள் குழு, வறுமைக் கோட்டுக்குக் கீழே உள்ள குடும்பங்களுக்கு பொது விநியோகத்தில் தரப்படும் உணவு தானியத்தின் அளவு 25 கிலோவுக்கு மிகக் கூடாது என்றும், வறுமைக் கோடு உச்சவரம்பு திட்டக் கமிஷன் சொல்லும் உச்சவரம்பாகவே, அதாவது, கிராமப்புறங்களில் ரூ.368 மாத வருவாய், நகர்ப்புறங்களில் ரூ.560 மாத வருவாய் என்றுதான் இருக்க வேண்டும் என்றும் நிபந்தனைகள் போட்டுள்ளது.

இந்த நிபந்தனைகளுக்கு அப்பால் அறிவிக்கப்பட்டுள்ள தேசிய ஆலோசனைக் குழுவின் முன்வைப்புக்கள், கேட்க மக்கள் ஆதரவு முன்வைப்புக்கள் போல் இருக்கின்றன என்றும் உண்மையில் அவை இருக்கும் நிலைமைகளில் கொஞ்சமும் மாற்றம் கொண்டு வர முடியாதவை என்றும் குழுவின் உறுப்பினரான ஜீன் ட்ரீஸ் சொல்கிறார்.

பொதுவிநியோக திட்டத்தில் இப்போது 18 கோடி பேர் மட்டுமே மான்ய விலையில் உணவு தானியங்கள் பெறுகின்றனர். மொத்த அரசாங்க செலவினங்களில் 5% மட்டுமே இதற்காக செலவிடப்படுகிறது.

தேசிய ஆலோசனைக் குழுவின் முன்வைப்புக்கள்படி மக்கள் தொகையில் 75% பேருக்கு உணவுப் பாதுகாப்பு தரப்படும். 90% கிராமப்புற மக்களும் 50% நகர்ப்புற மக்களும் இந்தத் திட்டத்தின் கீழ் வருவார்கள். ஒரு வழியாக அரசாங்கம் 80 கோடி இந்தியர்கள் பசித்திருக்கிறார்கள் என்று ஒப்புக்கொண்டுள்ளது.

ஆனால், இவர்களை இரண்டு பிரிவுகளாக பிரிக்கிறது. ஒரு பிரிவு முன்னுரிமை பிரிவு. இதில் 46% கிராமப்புற குடும்பங்களும் 28% நகர்ப்புற குடும்பங்களும் அடங்கும். 5 பேர் கொண்ட குடும்பத்தில் ஒருவருக்கு 7 கிலோ என்ற கணக்கில், இவர்கள் மாதமொன்றில் 35 கிலோ உணவு தானியங்கள் பெறுவார்கள். அரிசி கிலோ ரூ.3 விலையிலும், கோதுமை கிலோ ரூ.2 விலையிலும் பிற தானியங்கள் கிலோ ரூ.1 விலையிலும் தரப்படும்.

இன்னொரு பிரிவு பொது பிரிவு. இதில் 44% கிராமப்புற குடும்பங்களும் 22% நகர்ப்புற குடும்பங்களும் அடங்கும். 5 பேர் கொண்ட குடும்பத்தில் ஒருவருக்கு 4 கிலோ என்ற கணக்கில், இந்த பிரிவுக்கு அரசு கொள்முதல் செய்யும் விலையில் பாதி விலைக்கு மாதமொன்றில் 20 கிலோ உணவு தானியங்கள் வழங்கப்படும். தற்போதைய நிலவரப்படி இது ரூ.5.50 அல்லது ரூ.6.

வறுமைக் கோட்டை அழித்து விட்டார்கள்!.

2014க்குள், அதாவது, அடுத்த நாடாளுமன்ற தேர்தல்களுக்குள் இவர்கள் அனைவரும் பாதுகாப்பு கொண்டு வரப்பட வேண்டும் என்று முன்வைப்புக்கள் சொல்கின்றன. மட்டுமின்றி 2017 வரை இந்த மான்யங்களில் எந்த மாற்றமும் இருக்கக் கூடாது என்றும் தேசிய ஆலோசனைக் குழு சொல்கிறது.

இந்த அறிவிப்புகள் முதல் கட்டத்தில் மிகவும் பின்தங்கிய 150 மாவட்டங்களில் அமலாகும்.

யார் இந்த 75% மக்கள், இவர்களில் முன்னுரிமை பிரிவு எது, பொதுப்பிரிவு எது என்பதை இந்திய அரசாங்கம் முடிவு செய்ய வேண்டும். இதுதான் இப்போது மிகப் பெரிய கேள்வி.

ஜீன் ட்ரீஸ் சொல்வதுபடி தேசிய ஆலோசனை குழு அறிவித்துள்ள முன்வைப்புக்கள் இப்போதுள்ள நிலைமைகளை தொடரச் செய்யும்; எந்த மாற்றமும் ஏற்படுத்தாது; உணவுப் பாதுகாப்பின் முக்கியமான கூறுகளை இந்த முன்வைப்புக்கள் கணக்கில் கொள்ள தவறிவிட்டன; பொது விநியோகம் பற்றிய வரையறைகள் வறுமைக் கோட்டுக்குக் கீழ், மேல் உள்ளவர்கள் என்ற செயற்கையான பிரிவினைகளை நீக்கவில்லை. பொதுவிநியோகம் மூலம் அல்லாமல் உணவுப் பாதுகாப்பை உறுதி செய்யக்கூடிய முதியோர் ஓய்வூதியம், குழந்தைகள் நலத் திட்டங்கள் ஆகியவற்றில் இருந்த பாதுகாப்புக்கள் இறுதி முன்வைப்புக்களில் கைவிடப்பட்டுவிட்டன.

கிட்டங்கிகளில் உணவு தானியங்கள் அழுகிப் போகின்றன. பசித்த மக்கள் வற்றிய வயிற்றுடன் வாடிக் கிடக்கிறார்கள். அழுகிப் போனால் போகட்டும், பசித்தவர்களுக்கு தரமுடியாது என்று பிரதமரும் உணவு அமைச்சரும் சொன்னதால் ஏற்பட்ட தோற்ற இழப்பை ஈடு செய்ய தியாகத் திருவுரு சோனியா காந்தி உணவுப் பாதுகாப்புச் சட்டம் ஏற்பாடு செய்கிறார்.

இந்திய கிராமப்புறங்களில் வறுமைக்கோட்டுக்குக் கீழ் இருப்பவர்கள் 28% என்று திட்ட கமிஷனும், 50% என்று சக்சேனா கமிட்டியும், 42% என்று டெண்டுல்கர் கமிட்டியும், 80% என்று அமைப்புசாரா துறை தேசிய ஆணையமும் சொல்கின்றன. நான்கையும் விட்டுவிட்டு புதுக் கணக்கு ஒன்று எடுக்க வேண்டும் என்று சோனியா சொல்கிறார்.

வறுமைக் கோட்டை நிர்ணயிக்கும் நிபந்தனைகள் என்ன, எது வறுமைக் கோடு, அதன் மேலும் கீழும் இருப்பவர்கள் யார் என்பதை தீர்மானிப்பதில் இன்னும் முடிவுக்கு வராத அய்முகூ அரசு இனி முன்னுரிமை பிரிவு எது, பொதுப்பிரிவு எது, இவர்களை பிரிக்கும் கோடு எது என்று தீர்மானிக்க வேண்டும்.

அனைவரையும் உள்ளடக்கிய வளர்ச்சி என்ற வாய்வீச்சின் அருகில் கூட செல்ல அய்முகூ அரசு தயாராக இல்லை என்பதை இந்த ஆலோசனைகள் உறுதி செய்கின்றன. இப்போதும் அனைவரையும் உள்ளடக்கிய பொது விநியோகம் பற்றி பேச மறுக்கின்றன.

மத்திய உணவு அமைச்சர் சரத் பவார், தேசிய ஆலோசனை குழுவின் பரிந்துரைகளை செய்தித்தாள்களில்தான் படித்தாராம். இந்தப் பரிந்துரைகள்படி இருப்பு, வெளிச்சந்தை, பிற நல்வாழ்வு திட்டங்கள் எல்லாம் போக, முன்னுரிமை பிரிவில் உள்ள 9.70 கோடி குடும்பங்களுக்கும், பொதுப் பிரிவில் 8.90 கோடி குடும்பங்களுக்கும் 6 கோடியே 21 லட்சம் டன் உணவு தானியங்கள் தேவைப்படும் என்றும், இந்த ஆண்டு 5.74 கோடி டன்தான் கொள்முதல் செய்யப்பட்டது என்றும், இதில் 4.38 கோடி டன் பொது விநியோகத் திட்டத்திற்கே போய் விடுகிறது என்றும் புலம்புகிறார்.

இந்தப் புலம்பல் பின் அவருக்கு இருக்கும் அக்கறை உணவு தானிய ஏற்றுமதி பற்றியது என்பது அவர் அடுத்து சொன்னதில் தெரிய வருகிறது. நேரு ஆட்சியில் இருந்தபோது, அகில இந்திய காங்கிரஸ் கமிட்டியில், உணவு தானியங்களை தேசியமயமாக்குவது என்று ஒரு முடிவு எடுக்கப்பட்டது என்றும் 10 நாட்களில் அந்த முடிவு கைவிடப்பட்டது என்றும் சொல்கிறார். இப்போது கோதுமை, அரிசி, சர்க்கரை எல்லாம் போதுமான அளவு இருப்பதாகவும், அடுத்த கொள்முதலும் சிறப்பாகவே அமையும் என்றும், இவற்றை ஏற்றுமதி செய்ய வழிவிடும் வகையில் அரசு எந்த முடிவையும் கிடப்பில் போடும் என்றும் துணிச்சலாக சொல்கிறார். அழுகிப்போகும் தானியங்களை பசித்தவர்களுக்கு கொடுங்கள் என்று உச்சநீதிமன்றம் சொன்னபோது, அது முடியாது என்று மறுத்தவர் இப்போது, சொந்த நாட்டு மக்கள் பட்டினியில் செத்தாலும் ஏற்றுமதி வருவாய் முக்கியம் என்கிறார்.

துரதிர்ஷ்டவசமாக, நாற்றம் அடிக்கும் அரிசி, புழுத்துப்போன கோதுமை, எடை குறைந்த மண்ணெண்ணெய், கலப்படம் செய்யப்பட்ட சர்க்கரை, எண்ணெய், பருப்பு, வேறு வழியில்லை என்று அவற்றையும் வாங்கி உண்ணும் மக்கள், ஊழல், பதுக்கல், கடத்தல், கள்ளச்சந்தை என்று இருக்கும் தமிழக பொது விநியோகத் திட்டம்தான் முன்மாதிரி என்று சொல்லும் நிலை நாட்டில் உள்ளது. பித்தளையை ஈயத்துடன் ஒப்பிடுகிறார்கள்.

பித்தளையின் அழகைப் பற்றி தமிழக அரசு சில விவரங்கள் தருகிறது. 1997ல் லக்டாவாலா கமிட்டி பரிந்துரைகள்படி தமிழ்நாட்டில் மொத்த மக்கள் தொகையில் 35% பேர், 1991 மக்கள் தொகை கணக்கெடுப்பின்படி 48 லட்சத்து 62 ஆயிரம் குடும்பங்கள் வறுமைக்கோட்டுக்கு கீழ் உள்ளன எனக் கணக்கிடப்பட்டது. அந்தக் கணக்கின் அடிப்படையில் தமிழகத்துக்கு வறுமைக் கோட்டுக்குக் கீழ், மேல் உள்ளவர்களுக்கு தானியங்கள் ஒதுக்கியது. ஆனால் தமிழ்நாடு அரசு வறுமைக் கோட்டுக்குக் கீழ் உள்ளவர்களுக்கான ஒதுக்கீட்டை மட்டும் மத்திய அரசிடம் இருந்து பெற்றுக் கொள்கிறது.

மத்திய அரசிடம் வாங்கி, மாநில பொது விநியோகத்தில் விற்கும்போது, வறுமைக் கோட்டுக்குக் கீழ் உள்ள ஒவ்வொரு அட்டைக்கும் மாதமொன்றில் ரூ.46.50 மானியமும், வறுமைக் கோட்டுக்குக் மேல் உள்ள ஒவ்வொரு அட்டைக்கும் மாதமொன்றில் ரூ.171.50 மானியமும் தரப்படுகிறது என்று தமிழக அரசு சொல்கிறது.

தமிழ்நாட்டில் 2001 மக்கள் தொகை கணக்கெடுப்பின்படி 1.44 கோடி குடும்பங்கள் உள்ளன. ஆனால் 1.60 கோடி ரேசன் அட்டைகள் உள்ளன. கிட்டத்தட்ட 15 லட்சம் போலி அட்டைகள் எப்படி உலா வரும் என்று யாரையும் விட கருணாநிதிக்கு நன்றாகத் தெரியும்.

ஆனால் போலி அட்டை கணக்கையும், மான்யக் கணக்கையும் தொடர்புபடுத்துகிறது தமிழக அரசு. 10 லட்சம் போலி அட்டைகள் என்றால் கூட வறுமைக் கோட்டுக்குக் கீழ் உள்ள அட்டைகள் என்றால் ரூ.55.80 கோடியும், வறுமைக் கோட்டுக்குக் மேல் உள்ள அட்டைகள் என்றால் 205.80 கோடியும் அரசுக்கு நட்டம் ஏற்படுகிறதாம். ஒவ்வொரு மாதமும் இவ்வளவு பணம் தமிழ்நாட்டின் வறிய மக்கள் பைகளுக்கா போயிருக்கும்?

ஏன் மத்திய அரசு தரும் மொத்த ஒதுக்கீட்டையும் தமிழக அரசு பெற்றுக் கொள்ளக் கூடாது? வறுமைக் கோட்டுக்குக் கீழ் உள்ளோருக்கான விநியோகம் உறுதிப்படுத்தப்படவில்லை என்பதுதானே நிலைமை? அம்பத்தூரில் கல்யாணபுரத்தில் மாதம் 35 கிலோ அரிசி பெறும் 15 பேரை அடையாளம் கண்டு கொடுங்கள் என்று தோழர் மோகனிடம் அதிகாரிகள் கேட்கிறார்களே.

தமிழ்நாட்டில் இப்போது அனைவரையும் உள்ளடக்கிய பொதுவிநியோகம் இருந்தாலும், தமிழக அரசே சொல்வதுபோல் 10 லட்சம் போலி அட்டைகள் உலாவினாலும் உண்மையிலேயே வறுமைக் கோட்டுக் கீழ் இருப்பவரோ, மற்றவர்களோ ரேசன் அட்டை பெறுவது சாதாரண மனிதன் ஆற்றலுக்கு அப்பாற்பட்டதுதானே.

உணவுப்பாதுகாப்பு பற்றி உண்மையிலேயே அக்கறை காட்டும் அறிவாளிப் பிரிவினர் நாடு முழுதும் பொது விநியோக திட்டத்தின் நிலைமை மிகவும் மோசமாக இருப்பதால் தமிழ்நாட்டை முன்மாதிரி என்று சொல்லி விடுகிறார்கள். உண்மை நிலை தமிழக வறிய மக்களுக்கு தெரியும்.

மாதம் 20 கிலோ அரிசி எல்லா அட்டைகளுக்கும் கிடைத்து விடுகிறதா? 5 கிலோ அரிசி மட்டுமே பெற்றுக் கொண்டு திரும்பும் வறியவர்கள் இங்கு உண்டு.

உண்மையில் 35 கிலோ பெற வேண்டியவர்கள் கூட அதற்கான அட்டை தரப்படாமல் 20 கிலோ பெற வேண்டிய நிலைதான் தமிழகத்தில் உள்ளது. அனைவரையும் உள்ளடக்கியது என்பதற்கு அப்பால் சொல்லிக் கொள்ள இங்கு பெரிதாக ஏதும் இல்லை.

அனைவரையும் உள்ளடக்கிய பொது விநியோகம், அதில் பொது மக்கள் கண்காணிப்பு என்பதைத் தவிர வேறு மாற்று உணவுப் பாதுகாப்பில் இருக்க முடியாது. சோனியா காந்தி முன்வைத்துள்ள வகை பிரிப்பு உணவுப் பாதுகாப்பு வலைக்குள் மிகச்சிலரை உள்ளடக்கி மிகப்பலரை வெளியேற்றும். இப்போது குறைந்த விலையில் வாங்குபவர்களைக் கூட கூடுதல் விலை கொடுக்க வைக்கும்.

இங்கே இரண்டு தீர்ப்புக்களை, அவற்றில் இரண்டு அணுகுமுறைகளை கணக்கில் கொள்ள வேண்டியுள்ளது.

கருணாநிதி, ஜெயலலிதா, காங்கிரஸ், பாஜக அனைவருமே அயோத்யா தீர்ப்பைப் பாராட்டி, இசுலாமியர்களை ஏற்றுக் கொள்ளச் சொல்லி அறிவுறுத்துகின்றனர். சிலர் பெருந்தன்மையாக, உச்சநீதிமன்றம் போகலாம் என்கின்றனர். இவர்கள் யாருமே, ஒரு வித்தியாசமான உச்சநீதிமன்றத் தீர்ப்பை அமல்படுத்துமாறு, மத்திய அய்க்கிய முற்போக்கு கூட்டணி அரசாங்கத்திடம் சொல்ல மறுக்கிறார்கள்.

‘கிட்டங்கிகளில் அரிசியையும் கோதுமையையும் எலிகள் தின்கின்றன. மழையில் நனைந்தும் புழுத்துப் போயும் வீணாகின்றன. பசித்திருப்பவர்களுக்கு இலவசமாகவோ, குறைந்த விலையிலோ தாருங்கள்.’ உச்சநீதிமன்றம்தான் சொன்னது. ஆலோசனை அல்ல, ஆணை என்று கூடச் கொஞ்சம் குரலை உயர்த்தியது.

கனவான் மன்மோகன், கொள்கை முடிவில் தலையிட வேண்டாம் என உச்சநீதிமன்றத்திற்கு, அதன் இடத்தைக் காட்டினார். விவசாயிகள் ஊக்கம் இழப்பார்கள் என மாய்மாலம் பேசி, உணவுப் பண்டங்களில் முன்பேர வர்த்தகத்தை, ஊக வணிகர்களை, விலை உயர்வை ஊக்குவிக்கிறார். எல்லா முக்கியக் கட்சிகளும், உச்சநீதிமன்ற ஆணையை ஏற்குமாறு மத்திய அரசாங்கத்திடம் சொல்லக் கூடாது என்பதில், கடமை கண்ணியம் கட்டுப்பாடு காக்கிறார்கள்.

ஜனநாயக விரோத தீர்ப்பை வரவேற்று ஏற்றுக்கொள்ளும் அதேநேரம், மக்கள் ஆதரவு தீர்ப்பை கடுமையாக எதிர்க்கிறார்கள் ஆட்சியாளர்கள். சோனியா காந்தியின் ஆலாசனைகளும் புகழாரங்கள் பெறுகின்றன. ஆனால் வறிய மக்கள், வேறு வழியில்லை, எதிர்த்து எழுவார்கள்.

Search